මේ වන විට රුසියාවේ හමුවන රෝගීන් ප්‍රමාණය 20,000 ඉක්මවමින් ඉහළ යමින් ඇත. ඊට හේතව වී ඇත්තේ සමාජයේ රෝගය පතුරුවමින් තිබෙන රෝග ලක්ෂණ නොපෙන්වන එහෙත් රෝගය පතුරුවන්නන් හඳුනා ගැනීම සඳහා PCR පරීක්ෂණ වැඩි කිරීම නිසා බව පැහැදිළිව පෙනේ.

පසුගිය සතිය වන විට මොස්කව් ප්‍රාන්තයේ පමණක් දිනකට පරීක්ෂණ 25,000 සිදු කොට ඇති අතර ඒ නිසා රෝගීන් ලෙස හඳුනාගන්නා පිරිස ඉහළ යමින් ඇත. ඒ අනුව දැන් රුසියාවේ රෝගීන් අතුරින් රෝග ලක්ෂණ කිසිවක් නොපෙන්වන පිරිස 52% කි.

එම තත්වය තුල දිනකට සිදු කරන පරීක්ෂණ ප්‍රමාණය දෙගුණයක් කරන ලෙස ජනාධිපති පුටින් විසින් නියෝග කොට ඇත. මේ වන විට රුසියාවේ සිදු කොට ඇති පරීක්ෂණ ප්‍රමාණය මිලියන 1.5 ක් හෙවත් ලක්ෂ 15 කි.

ඒ අනුව ශ්‍රී ලංකාවේ සිදුකරන පරීක්ෂණ ප්‍රමාණය ඉතා කඩිනමින් තවදුරටත් වැඩි කළ යුතු බවට ලංකා ලීඩ් පර්යේෂණ ඒකකය විසින් ඉදිරිපත් කරන තාක්ෂණික තර්කය තවදුරටත් තහවුරු වේ.