කපටි ලෙස හලාල් බලහත්කාරය කතානායකවරයා හරහා පාර්ලිමේන්තුවෙන් නීතියක් බවට පත් කිරීමට සැලසුමක් තිබෙන බවත් ආගමික අන්තවාදය මර්ධනය කිරීම වෙනුවට දේශපාලකයන් අන්තවාදීන් හුරතල් කරමින් සිටින බවත් බොදු බල සේනා සංවිධානයේ මහ ලේකම් රාජකීය පණ්ඩිත ගලගොඩඅත්තේ ඥානසාර හිමියෝ පවසති.

එම නිසා තමන් වහන්සේ ජිවිතයේ ප්‍රථම වතාවට මුස්ලිම් ව්‍යාපාර වර්ජනය කරන ලෙසට සමස්ථ සිංහලයන්ගෙන් ඉල්ලා සිටින බව උන්වහන්සේ අවධාරණය කර සිටියේය.

පසුගියදා බලංගොඩ පැවති බොදු බල සේනා සංවිධානයේ බොදු මහා සමුළුවට එක්වෙමින් උන්වහන්සේ මෙම අදහස් පළකර සිටියේය.

බලංගොඩ වෙළද සංගමය සහ තරුණ සංවිධාන එක්ව සංවිධානය කළ මෙම අවස්ථාවට භික්ෂූන් වහන්සේ ඇතුළු විශාල පිරිසක් සහභාගී වී සිටියහ.