ඒකාබද්ධ විපක්ෂයේ මීළඟ ජනාධිපතිවරණ අපේක්ෂකත්වය ලබා ගැනීමේ තරඟයට බැසිල් රාජපක්ෂ අවතීර්ණ වී ඇති බවත් ඒ සඳහා ඔහු විසින් ගෝඨාභය රාජපක්ෂ මොඩලයේ විද්වතුන් එක්රැස්කර සම්මන්ත්‍රණ පැවැත්වීමේ වැඩපිළිවෙලක් ආරම්භ කර ඇති බවත් දේශපාලන ආරංචි මාර්ග සඳහන් කරයි.

ඒ අනුව ශ්‍රී ලංකා පොදුජන ඉංජිනේරු පෙරමුණ නමින් ශ්‍රී ලංකා පොදුජන පෙරමුණට සම්බන්ධ විද්වත් සංවිධානයක් ආරම්භ කර එහි ආරම්භක සම්මන්ත්‍රණය ඔක්තෝබර් 14 වැනිදා ටාජ් සමුද්‍ර හෝටලයේදී පවත්වා ඇත.

හිටපු ආරක්ගෝෂක ලේකම් ගෝඨාභය රාජපක්ෂ මහතාගේ එළිය හා වියත්මග සම්මන්ත්‍රණ මෙන් පොදුජන ඉංජිනේරු පෙරමුණේ සම්මන්ත්‍රණ මාලාවක් ඉදිරියේ දී බැසිල් රාජපක්ෂගේ ප්‍රධානත්වයෙන් රටේ විවිධ ප්‍රදේශවල පැවැත්වීමටද කටයුතු කරමින් ඇති බවද එම ආරංචිමාර්ග වැඩිදුරටත් සදහන් කරයි.

බැසිල් රාජපක්ෂ ඇමෙරිකානු පුරවැසිකම අත්හැරීම සඳහා කොළ බාරදෙයි

ඇමරිකාවේ‍ වෙසෙන ශ්‍රී ලාංකිකයන්ගේ විශ්වාසක කටයුතු ආරංචි මාර්ග අනුව හිටපු අමාත්‍ය බැසිල් රාජපක්ෂ මහතා විසින් තම අමෙරිකානු පුරවැසිකම අත් හැරීම සඳහා අවශ්‍ය නීත්‍යනුකූල ලියකියැවිලි ඇමෙරිකානු රජයට දැනටමත් භාරදී ඇත.

නමුත් ඔහුගේ භාර්යාව වන පුෂ්පා රාජපක්ෂ මහත්මිය තවදුරටත් ඇමෙරිකානු පුරවැසිභාවය පවත්වාගෙන යාමට තීරණය කොට ඇති බව ද වාර්තාවේ.

ඒ අනුව ඉදිරි සති කිහිපයට පසුව 19 ව්‍යවස්ථා සංශෝධනය මගින් පනවා ඇති සීමාකම් බැසිල් රාජපක්ෂ මහතාට අදාල නොවුණු ඇත.