ව්‍යාපාරික පුවත්

ලාෆ්ස්‌ හෝල්ඩින්ස්‌ සමාගම ව්‍යාපාර කළමනාකරණ අංශයේ රන් අනුග්‍රාහකයා වශයෙන් 2017 වසරේ NSBM රැකියා වෙළෙඳපොළ සමඟ අත්වැල් බැඳ ගනී. ලාෆ්ස්‌ හෝල්ඩින්ස්‌ සමාගම ශ්‍රී ලංකාවේ විශාලතම ව්‍යාපාර සමූහයන් අතරින් එකකි.

අපගේ උපාධිධාරීන් රැකියා වෙළෙඳපොළට උචිත පරිදි සකස්‌ කිරීමට අප ආයතනය නිරන්තරයෙන්ම කැපවී සිටින බවත් මෙම රැකියා වෙළඳපොල ඒ සඳහා මහගු පිටුවහලක්‌ වන බවත් NSBM හරිත සරසවියේ නියෝජ්‍ය උපකුලපති වන චමින්ද රත්නායක මහතා අවබෝධතා ගිවිසුම් අත්සන් කිරීමේ උත්සවයේදී අදහස්‌ දක්‌වමින් පැවසීය.

ලාෆ්ස්‌ හෝල්ඩින්ස්‌ ආයතනයේ මානව සම්පත් බඳවා ගැනීමේ අංශයේ තරිදු සොමිරත්න මහතා අදහස්‌ දක්‌වමින් ශ්‍රී ලංකාවේ වගකිවයුතු ව්‍යාපාර ආයතනයක්‌ වශයෙන් අපගේ අභිලාෂය වන්නේ දක්‌ෂ කළමනාකරුවන් සහ කණ්‌ඩායම් මගින් සාර්ථක ව්‍යාපාර ආයතන ගොඩනැංවීම බවත්, අප ආයතන සමුහය මගින් නවක උපාධිධාරීන්ට රැකියා අවස්‌ථාවන් ලබාදීම තුලින් ඔවුන්ගේ අනාගත වෘත්තිය සිහිනයන් යථාර්ථයක්‌ බවට පත්කර දීමට හැකිවීම ගැන ආඩම්බර වන බවත් පැවසීය.

ව්‍යාපාර කළමනාකරණ අංශයේ රන් අනුග්‍රාහකත්වය ලද ලාෆ්ස්‌ හෝල්ඩින්ස්‌ සමාගම (www.laughs.lk ), ශ්‍රී ලංකාවේ ප්‍රධාන ව්‍යාපාර සමූහයන් අතර විශ්වාසවන්ත නාමයක්‌ වේ. එය ව්‍යාපාර ක්‌ෂේත්‍ර 20 ක්‌ පුරා පුළුල් වූ පුරෝගාමියෙකු ලෙස ශක්‌තිමත්ව ස්‌ථාපනය කර ඇත. එම ව්‍යාපාර ක්‌ෂේත්‍ර අතර බලශක්‌ති, වෙළඳ, කර්මාන්ත, සේවා, සංචාරක, දේපළ, සමුද්‍ර ප්‍රවාහන හා අනෙකුත් අංශ සමන්විත වේ.

NSBM හරිත සරසවි නගරය මගින් සංවිධානය කරන රැකියා වෙළඳපොළ-2017 නොවැම්බර් මස 25 සහ 26 යන දෙදින තුළ හෝමාගම පිටිපනදී පැවැත්වේ. මෙම රැකියා වෙළඳපොළට NSBM හරිත සරසවියේ කළමනාකරණ උපාධිධාරීන්, තොරතුරු තාක්‍ෂණ උපාධිධාරීන් සහ උපාධි අපේක්‌ෂකයන් විශාල පිරිසක්‌ සහභාගි වනු ඇත. මෙයට අමතරව අනෙකුත් විශ්වවිද්‍යාල සහ උසස්‌ අධ්‍යාපන ආයතනවල නවක උපාධිධාරීන්ට ද මෙම රැකියා වෙළඳපොළ විවෘතව පවතී.



Leave a Reply

Your email address will not be published. Required fields are marked *

ප‍්‍රධාන පුවත්

විදෙස්ගත ශ්‍රී ලාංකිකයෝ ඩයස්පෝරාවට එරෙහිව ජිනීවාහිදී වීදි බසිති…අපේ බදු මුදලෙන් ජිනීවා ගිය සුමන්තිරන් – සිවාජිලිංගම් කොටි සමග ලගිති (Video)

ශ්‍රී ලංකාවේ අභ්‍යන්තර ප්‍රශ්නවලට කෙරෙන බලපෑම් වහාම නතර කරන ලෙස ජිනීවා මානව හිමිකම් කොමිසමට බල කරමින් එම කාර්යාලය ඉදිරිපිට ඊයේ (17) පස්වර...


Read More

ගෝඨාභය ජනාධිපති අපේක්‍ෂක ලෙස නම් කර අවසන්.. මා හෝ බැසිල් යෝජනා වූයේ නෑ..- චමල් රාජපක්‍ෂ

ගෝඨාභය රාජපක්‍ෂ මහතා මීලග ජනාධිපතිවරණයේදී ශ‍්‍රී ලංකා පොදුජන පෙරමුණේ ජනාධිපති අපේක්‍ෂකයා ලෙස පත් කර අවසන් යැයි තමන් සිතන බව හිටපු කතානායක...


Read More

පහසුකම් දෙනවානම් පැලවත්ත කිරි රටටම දෙන්න සූදානම් – ආරියශීල වික්‍රමනායක (Video)

රජය අවශ්‍යපහසුකම් ලබාදීමට කටයුතු කරනවානම්, රටටම අවශ්‍ය කිරි ලබාදීමට තම සමාගමට හැකියාව තිබෙන බව පැල්වත්ත කිරි සමාගමේ සභාපති ආරියශීලී වික්‍...


Read More