දේශීය පුවත්

යාපනය මහනුවර එ-9 ප්‍රධාන මාර්ගයේ පුලියන්කුලම් ප්‍රදේශයේදී අද (11) අළුයම සිදු වූ රිය අනතුරකින් දෙදෙනෙකු මිය ගොස් සිව් දෙනෙකු බරපතල තුවාල ලබා ඇති බවට පුලයින්කුලම් පොලීසිය කියා සිටියේය.

වවුනියාව දෙස සිට කිලිනොච්චිය දෙසට ගමන් කරන ලද කන්ටේනර් රථයක් සහ කිලිනොච්චිය සිට වව්නියාව දෙසට ගමන් කරන ලද බස් රථයක් මෙසේ අනතුරට ලක්ව ඇති අතර බස් රථය හා කන්ටේනර් රථය අධික වේගයෙන් ගමන් කොට වෙගය පාලනය කර ගැනීමට නොහැකි වීමෙන් මෙම අනතුර සිදුව ඇති බවට මූලික පරික්ෂණ සිදු කරන පුලියන්කුලම් පොලීසියට අනාවරනය වී ඇත.

අනතුරින් මිය ගොස් ඇත්තේ බස් රථයේ ගමන්කල කාන්තාවක් හා කන්ටේනර් රථයේ රියදුරු වන අතර තුවාල ලැබූ තිදෙනාගෙන් බස් රථයේ රියදුරුගේ තත්වයද ඉතා බරපතල තත්වයක ඇති බවට පුලියන්කුලම් පොලීසිය කියා සිටියේය.

අනතුරින් මිය ගොස් ඇත්තේ කන්ටේනර් රථයේ රියදුරු වූ පල්ලියවත්ත උස්වැටකෙයියාව ප්‍රදේශයේ පදිංචි ජයමහමුදලිගේ දොන් උජිත් දේශාන්ත හා මිය ගිය බස් රථයේ කාන්තාව වූ කිලිනොච්චිය සෙල්වනගර්හි පදිංචි කිංස්ලි අරුලයියා ජයරාසා සරෝජනී දේවි නැමති අය වෙයි.

අනතුරට පත් බස් රථය කිලිනොච්චියේ සිට ගුවන්තොටුපල දක්වා ගමන් කොට ඇති අතර කන්ටේනර් රථය වව්නියාවේ සිට කිලිනොච්චියේ යුද හමුදා කඳවුරක් වෙතට ධාවනය වී ඇති බවටත් අනාවරණය වී ඇති අතර අනතුරු සම්බන්ධයෙන් පුලියන්කුලම් පොලිස් අධිකාරී ෆොන්සේකා මහතාගේ උපදෙස් පරිදි පුලියන්කුලම් පොලිස් ස්ථානාධිපති පොලිස් පරික්ෂක වී.එස්.ඩී. විතානගේ මහතාගේ ප්‍රධානත්වයෙන් වැඩි දුර පරික්ෂණ කටයුතු සිදු කෙරේ.

– වන්නි රොමේෂ් මධුෂංඛ



Leave a Reply

Your email address will not be published. Required fields are marked *

ප‍්‍රධාන පුවත්

“ත්‍රිකුණාමල තෙල් ටැංකි සංකීර්ණය ඉන්දියාවට විකිණීම: හිඟනකමට එහා යන උපායමාර්ගික පාවාදීමක්”

හම්බන්තොට වරාය, මත්තල ගුවන්තොටුපළ වැනි උපායමාර්ගික වශයෙන් ඉතා වැදගත් මර්මස්ථාන පමණක් නොව විකිණිය හැකි ඕනෑම දෙයක් විකුණා මුදල්කර ගැනීමේ ...


Read More

විග්නේශ්වරන් , සම්පන්තන්, සුමන්තිරන් ලා වැනි අය සමස්ත ලාංකික දෙමල ප්‍රජාවට අවමානයක්!!

විග්නේශ්වරන් , සම්පන්තන්, සුමන්තිරන් ලා වැනි අය සමස්ත ලාංකික දෙමල ප්‍රජාවට අවමානයක්!! රියර් අද්මිරාල් සරත් වීරසේකර ජිනීවා මානව හිමිකම්...


Read More

යුද හමුදා බුද්ධි අංශ නිලධාරී ලුතිනන් කර්නල් එරන්ත පීරිස් CID අත්අඩංගුවට

යුද හමුදා බුද්ධි අංශ නිලධාරී ලුතිනන් කර්නල් එරන්ත පිරිස් අපරාධ පරීක්ෂණ දෙපාර්තමේන්තුව මගින් අත්අඩංනගුවට ගෙන තිබෙනවා. ඒ මාධ්‍යවේදී ප්‍...


Read More