මුහුණු පොතෙන්

ලෝක සත්ව දිනය යෙදී තිබුණ ඊයේ (04 වැනිදා) කැස්බෑවන් 13ක් අබිරහස් ලෙස මියයාමේ සිද්ධියක් ගල්කිස්සේ සිට ගාලුමුවදොර මුහුදු තීරයෙන් වාර්තා වෙයි.

එම මුහුදු කලාපයේ අබිරහස් ලෙස කැස්බෑවන් මියගොස් ඇත්තේ පසුගියදා ගිනිගත් නිව් ඩයමන්ඩ් නෞකාවෙන් පිට වූ ඉන්ධනවල බලපෑම නිසා දැයි සැකයක් පවතින බව පරිසරවේදීහු පවසති.

නිව් ඩයමන්ඩ් නෞකාවේ තෙල් කාන්දුව නිසා එහි අවට සාගර කලාපයේ ජීවත් වූ කැස්බෑවන්ගේ චර්යා රටාවන්වල වෙනස්වීම් පසුගිය දින කිහිපයේදී පෙන්නුම් කළ බවද ජාතික ජලජ සම්පත් පර්‌යේෂණ හා සංවර්ධන ආයතනය මීට පෙර ප්‍රකාශ කර තිබිණි. එම වෙනස්වීම් ලෙස එම ආයතනය පෙන්වා දෙන්නේ ඒ අවට කැස්බෑවන් මුහුදෙන් ගොඩට ඒම සඳහා උත්සාහයක් දරන ආකාරයක් නීරීක්ෂණය වූ බවය.

ගල්කිස්සේ සිට ගාලුමුවදොර දක්වා කලාපයේ පෙරේදා (03 වැනිදා) රාත්‍රියේ සිට ඊයේ (04 වැනිදා) දිනය දක්වා කැස්බෑවන් 13ක් මරණයට පත්වී ගොඩ ගසා තිබූ බවත් මරණයට පත්වූ ප්‍රමාණය මීට වඩා වැඩි විය හැකි බවත් වනජීවී සංරක්ෂණ දෙපාර්තමේන්තුව ප්‍රකාශ කරයි.

ඊට හේතුව ලෙස එම දෙපාර්තමේන්තුව සඳහන් කළේ මියගිය කැස්බෑවන්ගේ මළසිරුරුවලින් දුගඳ හැමීම නිසා එම වෙරළ තීරයන්ට පැමිණෙන පිරිස් එම සතුන් වළ දමා ඇති බවය.

එමෙන්ම වනජීවී නිලධාරීන් සැක පළකරන්නේ දියවැලකට හසුවී හෝ යම්කිසි රසායනික ද්‍රව්‍යයක් නිසා මෙම සතුන් මියයාමට ඇති බවය. පරිසරවේදීන් පවසන ආකාරයට කැස්බෑවන්ගේ ප්‍රජනන සමය නොවැම්බර් මස සිට මාර්තු දක්වා සිදුවෙයි.

ඊට පෙර එම සතුන් මෙරටට පැමිණීම සැකයට තුඩුදෙන කාරණයක් බවද ඔවුන් සඳහන් කරයි. මේ පිළිබඳව ගල්කිස්ස මහෙස්ත්‍රාත් අධිකරණයට කරුණු වාර්තා කර එම නියෝගයට අනුව ඉදිරි පරීක්ෂණ කටයුතු සඳහා මියගිය කැස්බෑවන් දෙහිවල ජාතික සත්වෝද්‍යානයට භාර දෙන බව වන සංරක්ෂණ දෙපාර්තමේන්තුව සඳහන් කරයි. ඊට අමතරව මේ පිළිබඳ තවත් පරීක්ෂණ කටයුතු කිරීමට රජයේ ආයතනයකට අවශ්‍යනම් එම ආයතනවලටද මියගිය කැස්බෑවන්ගේ කොටස් ලබාදීමට සූදානම් බවද එම දෙපාර්තමේන්තුව අවධාරණය කරයි.

එමෙන්ම මෙම සිද්ධිය පිළිබඳව වාර්තාවක් කඩිනමින් ලබාදෙන ලෙසට වනජීවී අධ්‍යක්ෂ ජනරාල් චන්දන සූරියබණ්ඩාර අදාළ ප්‍රදේශය භාර වනජීවී නිලධාරීන්ට දන්වා ඇත. එම වාර්තාව ලැබුණු පසු සතුන් මියයෑමට හේතුව කුමක්දැයි යන්න ප්‍රකාශ කිරීමට හැකි බවද හෙතම කීවේය.



Leave a Reply

Your email address will not be published. Required fields are marked *

ප‍්‍රධාන පුවත්

‘ද්විත්ව පුරවැසි බාධකය’ ඉවත් කෙරෙන 20 වැනි සංශෝධනයේ වගන්තිය තවමත් ඉතිරිව තිබීම පිළිබඳව අපිට සතුටු වීමට බැහැ – අමාත්‍ය විමල් වීරවංශ

  ‘ද්විත්ව පුරවැසි බාධකය’ ඉවත් කෙරෙන 20 වැනි සංශෝධනයේ වගන්තිය තවමත් ඉතිරිව තිබීම පිළිබඳව සෑහීමකට පත් විය නොහැකි බවත් එම වගන්තිය ඉ...


Read More

20ට එරෙහි මහජන විරෝධය හේතුවෙන් ආණ්ඩුව පස්ස දොර විවෘත කිරීමේ නිර්ලජ්ජිත උත්සහායක-ජාතික සංවිධාන එකමුතුව

මහජන විරෝධයට හිස නමා 20 වන ආණ්ඩුක්‍රම ව්‍යවස්ථා සංශෝධනයට යම් යම් සංශෝධන ඉදිරිපත් කරන බවට ඊයේ දිනයේදී(19) අමාත්‍යය මණ...


Read More

ජනතා ආශිර්වාදය නැතිව 20 සම්මත කිරීම පරාජයක් – මැදගොඩ අභයතිස්ස හිමි

ජනතා ආශිර්වාදය නොමැතිව විසි වැනි ව්‍යවස්ථා සංශෝධනය සම්මත කළත් එය ජයග‍්‍රහණයක් නොව පරාජයක් වන අතර අඩුපාඩු සකස් කරගෙන ...


Read More