ප‍්‍රධාන පුවත්

ෆයිසර්ට විශ්වාසභංග

November 24, 2017 9:39 pm | Lanka Lead News

පළාත් පාලන ඡන්ද විමසීම කල්දැමීමට විරුද්ධව පළාත් සභා සහ පළාත් පාලන ඇමැති ෆයිසර් මුස්තාපාට එරෙහිව ආණ්ඩු පක්ෂයේ පසුපෙළ මන්ත්‍රි කණ්ඩායමක් විශ්වාසභංග යෝජනාවක් ඉදිරිපත් කිරීමට තීරණය කර ඇති බව එ.ජා.ප. පාර්ලිමේන්තු මන්ත්‍රි චමින්ද විජේසිරි “මව්බිම”ට පැවැසීය.
ඒකාබද්ධ විපක්ෂයද ඇමැතිවරයාට විරුද්ධව විශ්වාසභංග යෝජනාවක් ඉදිරිපත් කිරීමට සූදානම් වන බව දැනගන්නට ඇති බව සඳහන් කළ මන්ත්‍රිවරයා ඒ යෝජනාවටද තමා අස්සන් කිරීමටද සූදානම් යැයිද සඳහන් කළේය.

පළාත් පාලන මැතිවරණයට අදාළ ගැසට් නිවේදනය නිකුත් වී තිබියදී එම නිවේදනවලට අදාළ ක්‍රියාමාර්ග නිසි පරිදි වගකීමකින් ඉටු කිරීමට කටයුතු නොකිරීම, සීමානිර්ණය ගැටලු ඇතිවන ආකාරයෙන් ඉදිරිපත් කිරීමට කටයුතු කිරීම, පළාත් පාලන මැතිවරණය ජනවාරි මාසයේදී පවත්වන බවට පාර්ලිමේන්තුවට සහතිකයක් ලබාදී තිබියදී එය කඩකිරීම ඇතුළු කරුණු කිහිපයක් හේතුවෙන් ෆයිසර් මුස්තාපා අමාත්‍යවරයා සම්බන්ධයෙන් පාර්ලිමේන්තුවේ විශ්වාසභංග වී ඇති බව එම විශ්වාසභංග යෝජනාවේ සඳහන් බව ඒකාබද්ධ විපක්ෂයේ පාර්ලිමේන්තු මන්ත්‍රි දිනේෂ් ගුණවර්ධන මහතා පැවැසීය.

මෙම විශ්වාසභංග යෝජනාව කඩිනමින් විවාදයට ගන්නා ලෙස කතානායකතුමාගෙන් ඉල්ලා සිටි බවත් අද (24දා) පැවැත්වෙන පක්ෂ නායක රැස්වීමේදී මේ ගැන සාකච්ඡා කළ බව කතානායකතුමා ප්‍රකාශ කළ බවද ගුණවර්ධන මහතා ප්‍රකාශ කළේය.

ඊයේ (23දා) දහවල් මන්ත්‍රි භෝජනාගාරයේදී කතානායකවරයා මුණගැසී ෆයිසර් මුස්තාපා ඇමැතිවරයාට විරුද්ධව විශ්වාසභංග යෝජනාවක් භාරදුන් බව එම කණ්ඩායම් නායක පාර්ලිමේන්තු මන්ත්‍රි දිනේෂ් ගුණවර්ධන මහතා පැවැසීය.

ජනතා විමුක්ති පෙරමුණද ඇමැතිවරයාට විරුද්ධව විශ්වාසභංග යෝජනාවක් ඉදිරිපත් කිරීමට තීරණය කර ඇති බවත් එම යෝජනාව අද (24දා) භාරදෙන බවත් විපක්ෂයේ ප්‍රධාන සංවිධායක, ජනතා විමුක්ති පෙරමුණේ නායක අනුර කුමාර දිසානායක සඳහන් කළේය.

ආණ්ඩුවේ ඇමැතිවරයකුට එරෙහිව ආණ්ඩු පක්ෂයේ මන්ත්‍රි කණ්ඩායමක් හා වික්ෂයේ මන්ත්‍රි කණ්ඩායම් දෙකක් විශ්වාසභංග යෝජනාවක් ඉදිරිපත් කෙරෙන ප්‍රථම අවස්ථාව මෙය වෙයි.



Leave a Reply

Your email address will not be published. Required fields are marked *

ප‍්‍රධාන පුවත්

මහින්ද අගමැති කරන ඉල්ලීම ශ‍්‍රීලනිපය ඉවත දමයි

හිටපු ජනාධිපති මහින්ද රාජපක්‍ෂ මහතා අගමැතිවරයා ලෙස පත් කරන ලෙස ඒකාබද්ධ විපක්‍ෂයේ නායකයන් සහ 15 දෙනාගේ කණ්ඩායමේ සාමාජිකයන් ජනාධිපතිවරයාගෙන...


Read More

රට අරාජිකයි; ජනාධිපතිට මැතිසබය විසුරුවන්න පුළුවන් – සරත් එන්. සිල්වා

රට දැඩි අරාජික තත්ත්වයකට පත්ව තිබෙන අවස්ථාවක ආණ්ඩුක්‍රම ව්‍යවස්ථාවේ මූලික ව්‍යවස්ථාවේ 3, 4 වගන්ති අනුව ජනතාවගේ පරමාධිපත්‍ය බලය හිමි ජනතාව...


Read More

කැබිනට් එකේ තොරතුරු එළියට දෙන ඇමතිවරු 2ක් රෝ එකටත් සම්බන්ධයි – ඇමති අමරවීර

ශ්‍රී ලංකාවේ ජනාධිපතිවරයා විසින් චීනයට හා ඉන්දියාවට විරුද්ධව සිදුකලේ යැයි කියන ප්‍රකාශය සම්බන්ධයෙන් පල කල පුවතට අදාල තොරතුරු එම වාර්තාකාර...


Read More