දේශීය පුවත්

අධ්‍යාපන අමාත්‍යංශය මඟින් ක්‍රියාත්මක කරනු ලබන සුරක්ෂා රක්ෂණ ක්‍රමය මඟින් සිදු වූ අක්‍රමිකතාවක් සම්බන්ධයෙන් ඉදිරිපත් වූ පැමිණිල්ලක් විමර්ශනය කිරීමට ජනාධිපති පරීක්ෂණ කොමිශන් සභාව තීරණය කර ඇත.

පාර්ලිමේන්තු මන්ත්‍රී විජයදාස රාජපක්ෂ මහතා විසින් කොමිසම වෙත ඊයේ (07) අදාල පැමිණිල්ලක් ඉදිරිපත් කර තිබුණි.

සිසු දරුවන්ට කිසිදු ප්‍රතිලාභයක් නොමැති සුරක්ෂා රක්ෂණ ක්‍රමය මඟින් රුපියල් මිලියන 2300 ක අක්‍රමිකතාවක් සිදුව ඇති බව මන්ත්‍රීවරයා සිය පැමිණිල්ල මඟින් පෙන්වා දෙනු ලැබීය.

2018 වසරේ පාසල් පෙළපොත් මුද්‍රණය කිරීමේදී අධ්‍යාපන අමාත්‍යවරයාගේ ඡායාරූපය හා පණිවිඩයක් ඇතුළත් කිරීමේදී එක් පිටුවක් සඳහා රුපියලක මුදලක් වැයකොට ඔහුගේ ප්‍රතිරූපය නැංවීම පිණිස සිදුකරන ලද මූල්‍ය අක්‍රමිකතාවක් සම්බන්ධයෙන් ද මන්ත්‍රීවරයා පැමිණිල්ලක් ඉදිරිපත් කර ඇත.

ඒ හරහා මහජන මුදලින් රුපියල් මිලියන 29ක මුදලක් සාවද්‍ය ලෙස පරිහරණය කර ඇති බවට විජයදාස රාජපක්ෂ මන්ත්‍රීවරයා ඉදිරිපත් කර ඇති පැමිණිල්ලේ සඳහන් වන බව ජනාධිපති පරීක්ෂණ කොමිශන් සභාව පැවසා සිටියේය.

මීට අමතරව පාසල් නිල ඇදුම් වවුචර ලබාදීමේදී රුපියල් මිලියන 538ක මුදලක් අමතරව දැරීමට සිදුව ඇති බවද පැමිණිල්ල මඟින් මන්ත්‍රීවරයා සඳහන් කර ඇත.

ඒ අනුව සුරක්ෂා රක්ෂණ යෝජනා ක්‍රමය සම්බන්ධයෙන් සිදුකර ඇති පැමිණිල්ල සම්බන්ධයෙන් වන මූලික විමර්ශන කටයුතු සඳහා ජනාධිපති විමර්ශන කොමිශන් සභාවේ විශේෂ විමර්ශන පොලිස් ඒකකයට භාරදුන් බව ඔවුන් සඳහන් කළේය.

මේ වන විට කොමිශන් සභාව වෙත පැමිණිලි 522ක් පමණ ලැබී ඇති අතර පැමිණිලි භාරගැනීම ලබන 14 වනදා තෙක් දීර්ඝ කිරීමට තීරණය කර ඇති බව ජනාධිපති විමර්ශන කොමිශන් සභාව වැඩිදුරටත් සඳහන් කළේය.



Leave a Reply

Your email address will not be published. Required fields are marked *

ප‍්‍රධාන පුවත්

බදියුදීන් තුට්ටු දෙකට අරාබියට විකුණන් කන්න යන ජාතියේ මහා ධන නිධානය ගැන හෙළිදරව්වක්

ත්‍රීකුණාමලය නගරයේ සිට නීලාවේලී දර්ශනීය මුහුදු තීරය පසු කරමින් මඳ දුරක් යන විට කළු පැහැගැන් වූ වටිනාකමින් අනූන මෙම ඛණිජ වෙරළ තීරුව දැ...


Read More

එක්සත් ජාතීන්ගේ ප්‍රඥප්ති කඩකන මානව හිමිකම් සමුලුව මානව හිමිකම් රකින්නේ කෙසේද? සරත් වීරසේකර මානව හිමිකම් කොමසාරිස්වරිය පතුරු ගසයි (Video)

මානව හිමිකම් සමුලුව එක්සත් ජාතීන්ගේ සංවිධානයේ ප්‍රඥප්ති කඩකරමින් මානව හිමිකම් රකින්නේ කෙසේද? රියර් අද්මිරාල් (විශ්‍රාමික) සරත් වීරසේකර මහ...


Read More

මැදින් පුර පසළොස්වක පෝය අදයි (Video)

මැදින් පුර පසලොස්වක පොහොය දිනය අදට (20) යෙදී තිබේ. බුද්ධ චරිතයේ වැදගත් සිදුවීම් කිහිපයක්ම අද වැනි පොහොය දිනකදි සිදුව ඇති බව බෞද්ධ ඉතිහ...


Read More