දේශීය පුවත්

1.නව සඳ බැලීම

අභිනව චන්ද්‍ර වර්ෂය සඳහා අපේ‍්‍රල් මස 07 වන ඉරිදා දින ද, අභිනව සූර්ය වර්ෂය සඳහා මැයි මස 09 වන බ‍්‍රහස්පතින්දා දින ද නව සඳ බැලීම මැනවි.

2.පරණ අවුරුද්ද සඳහා ස්නානය කිරීම

අපේ‍්‍රල් මස 13 වැනි සෙනසුරාදා දින නුග පත් යුෂ මිශ‍්‍ර නානු ගා ස්නානය කොට ඉෂ්ඨ දේවතා අනුස්මණයෙහි යෙදී වාසය මැනවි.

3.අලූත් අවුරුදු උදාව

අපේ‍්‍රල් මස 14 වැනි ඉරිදා දින අපර භාග 02.09ට සිංහල අලූත් අවුරුද්ද උදාවේ.

4.පුණ්‍ය කාලය

අපේ‍්‍රල් මස 14 වැනි ඉරිදා පූර්ව භාග 07.45 සිට එදින අපර භාග 08.33 දක්වා පුන්‍ය කාලය බැවින් අපේ‍්‍රල් මස 14 වැනි ඉරිදා දින පූර්ව භාග 07.45ට පළමු ආහාර පාන ගෙන සියළු වැඩ අත්හැර ආගමික වතාවත්වල යෙදීම ද, පුණ්‍ය කාලයේ අපර කොටස තුළ එනම් අපේ‍්‍රල් මස 14 වෙනි ඉරිදා අපර භාග 02.09 සිට අපර භාග 08.33 දක්වා පහත දැක්වෙන අයුරින් ආහාර පිසීම,වැඩ ඇල්ලීම, ගනුදෙනු කිරීම හා ආහාර අනුභවය ආදී නැකත් චාරිත‍්‍ර ඉටු කිරීම මැනවි.

5.ආහාර පිසීම

අපේ‍්‍රල් මස 14 වැනි ඉරිදා අපර භාග 02.42ට රතු සහ කහ මිශ‍්‍ර (තඹ පැහැති) වස්ත‍්‍රාභරණයෙන් සැරසී නැගෙනහිර දිශාව බලා ලිප් බැඳ ගිනි මොළවා හකුරු මිශ‍්‍ර කිරි බතක් ද, තිකුළු මිශ‍්‍ර (ඉඟුරු, ගම්මිරිස්, තිප්පිලි යන කුළු බඩු දමා) අග්ගලා සහ කවුම් යන ආහාරයක් පිසීම මැනවි.

6.වැඩ ඇල්ලීම, ගනුදෙනු කිරීම හා ආහාර අනුභවය

අපේ‍්‍රල් මස 14 වැනි ඉරිදා අපර භාග 03.45ට රතු සහ කහ මිශ‍්‍ර (තඹ පැහැති) වස්ත‍්‍රාභරණයෙන් සැරසී නැගෙනහිර දිශාව බලා සියළු වැඩ අල්ලා ගනුදෙනු කොට ආහාර අනුභවය මැනවි.

7.හිසතෙල් ගෑම

අපේ‍්‍රල් මස 17 වැනි බදාදා පූර්ව භාග 07.40ට පලාවන් පැහැති වස්ත‍්‍රාභරණයෙන් සැරසී නැගෙනහිර දිශාව බලා හිසට කොහොඹ පත් ද, පයට කොලොන් පත් ද තබා කොහොඹ ලත් යුෂ මිශ‍්‍ර නානු ද ගා ස්නානය කිරීම මැනවි.

8.රැකී රක්ෂා සඳහා පිටත් වීම

අපේ‍්‍රල් මස 18 වැනි බ‍්‍රහස්පතින්දා පූර්ව භාග 04.52ට පලාවන් වස්ත‍්‍රාභරණයෙන් සැරසී හකුරු සහ තල මෝරු මිශ‍්‍ර කිරි බතක් අනුභව කර නැගෙනහිර දිශාව බලා පිටත්ව යාම මැනවි.



Leave a Reply

Your email address will not be published. Required fields are marked *

ප‍්‍රධාන පුවත්

පාස්කු බෝම්බ ප‍්‍රහාරයේ වරදකරුවන්ට මරණ දඬුවම හිමි විය යුතුයි – ජනාධිපති

කුමන තරාතිරමක අයෙකු වුවද මහා සංඝරත්නයට අපහාස කරන්නේ නම් එය ප්‍රතික්ෂේප කරන අතරම පිළිකුල් සහගතව බැහැර කරන බව ජනාධිපතිතුමා පවසයි. ජනාධිප...


Read More

රණවිරු බළකාය ගෝඨා ඉල්ලා මහින්දගේ කාල්ටන් නිවසට යයි

රට බේරා ගැනීමේ අරමුණින් ගෝඨාභය රාජපක්ෂ මහතා ජනාධිපතිවරණයට ඉදිරිපත් කරන ලෙස ඉල්ලීම් කිරීමට ශ්‍රී ලංකා ජාතික රණවිරු බළකායේ නිලධාරී මණ්ඩලය අ...


Read More

‘‘මාතෘ භූමී සුරක්ෂා පූජා“ කෝට්ටේ ශ්‍රී නාග විහාරයෙන් ඇරඹෙයි.

රට ජාතියට සෙත් පතා සිදු කළ‘‘මාතෘ භූමී සුරක්ෂා පූජා“ ආශිර්වාද පූජාව අද (16) පොහොය දින සවස කෝට්ටේ ශ්‍රී නාග විහාරයේදී විහාරාධිපති දර්ශනපති ...


Read More