මුහුණු පොතෙන්

”වියත් මගෙන්” උගත් පාඩම

March 15, 2019 3:55 pm | Lanka Lead News

ශ්‍රී ලංකාවට අවශ්‍ය නම් එහි ණයබර සම්පූර්ණයෙන්ම ගෙවා, ආර්ථිකය ස්ථාවර කිරීමට හැකි තරම් අවශ්‍ය සම්පත් තිබෙනා බව මා වඩාත් ගැඹුරෙන් උගත්තේ ගෝඨාභය රාජපක්ෂ මහතාගේ ‘වියත් මග’ සම්මන්ත්‍රණවලදීය.

මෙරට ණය බර මෙන් කිහිප ගුණයක ආදායම් වසරකදී උත්පාදනය කළ හැකි වටිනා සම්පතක් පිළිබඳව ගෝඨා එහිදි ඉතා උණන්දුවෙන් කතා කළේය. ඔහු ඒ පිළිබඳව පවසන තුරු මමද ඒ පිළිබඳ කරුණු දැන සිටියේ නැත.

ඒ පුල්මුඩේ ඛණිජ වැලි නිධියයි. මෙම ඛණිජ වැලි නිධියේ වාර්ෂික නිෂ්පාදන ධාරිතාව පමණක් ඉල්මනයිට් – ටොන් 90,000 – 120,000, රූටයිල් – ටොන්– 12,000, සර්කෝන් – ටොන් 10,000ක් හා මොනසයිට් – ටොන් 100ක් පමණ වේ.

ගෝඨා හිතුමතේට කතා කරන්නෙක් නොවේ. ඔහු කට අරින්නේ සියලු අධ්‍යනයන් සිදු කර, සියලූම දත්ත හා තොරතුරු ගවේෂණය කර අවසන් වූ පසු බව මා අත්දැකීමෙන් දනියි.

මෙම ඛණිජ සම්පත් නිස්සාරණය කර නිමි තත්වයට ගෙන ආවා නම් එහි වාර්ෂික වටිනාකම ඩොලර් මිලියන 700 ඉක්මන බවට තමන් ගණන් බලා ඇතැයි ගෝඨා කීවේය. ශ්‍රී ලංකාව තවමත් ගොඩ නැගිය හැකි රටක් යැයිද, මෙය හැර යාමට වඩා ශ්‍රී ලංකාවේ ජීවත්ව සේවය කිරීම යහපත් යැයිද මාහට හැගුනේ එදින ය.

මිතුරනි,
එම පුල්මුඩේ ඛණිජ වැලි නිධිය විකුණා දැමීමට ඊයේ දින කැබිනට් අනුමැතිය හිමි විය.

පුල්මුඩේ ඛණිජ වැලි විකුණන්නේ අරාබි සමාගමකට ය. කැබිනට් පත්‍රිකාව ඉදිරිපත් කළේ ශ්‍රී ලංකාවේ ජීවත් වන ‘අරාබි’ ඇමති රිෂාඩ් බදියුදීන් ය.

හද සලිත කරවන විහිලුව එය නොවේ.
මෙම ලොව හොදම ඛණිජ වැලි නිධිය විකුණා දමන්නේ ඉල්මනයිට් මෙට්‍රික් ටොන් එකක් ඩොලර් 145කටය.

ඔව්.. ඩොලර් 145 කටය. ශ්‍රී ලංකා මුදලින් රුපියල් 26,100 කටය.

ඩොලර් මිලියන ගණනක නිෂ්පාදන කළ හැකි වටිනා ඛණිජ වැලි ඩොලර් 145කට මිලට ගැනීමට අරාබි ඔටුවන් ජනපති සිරිසේන, අගමැති රනිල්ගේ සිට බදියුදීන් ඔටුවා දක්වා කෝටි ගණනින් අල්ලස් ලබා දෙන්නට ඇත. නිෂ්පාදන නොකළද මෙම ලොව උසස්ම තත්වයේ ඉල්මනයිට් ටොන් 1ක් ඩොලර් 9000 – 15000ත් අතර මිලකට පහසුවෙන් අලෙවි කළ හැක.

දූෂිත, කුජීත දේශපාලුවන් රටේ සම්පත් වනසද්දි ඒ පිළිබඳව රටේ ජනතාව හාන්කවසියක් දන්නේ නැත.

එක් පැත්තකින් හම්බන්තොට වරාය චීනය සතු කර ගත්තේය. අනෙක් පසින් මත්තල ඉන්දියාවට විකිණීමට සුදානම් ය. ත්‍රිකුණාමල වරාය ඇමෙරිකාව නොමිලයේ ලබා දෙද්දි ත්‍රිකුණාමල තෙල් ටැංකි ඉන්දියාවට නොමිලයේ ලබා දුන්නේය.

චීනය සිංහරාජයේ ගස් කපා දැව චීනයට පටවා ගනියි. අරාබිය නැගෙනහිර ඛනිජ වැලි නිධිය අත්පත් කර ගත්තේය.

මේ කාලකන්නි ආණ්ඩුව අවසන් වීමට තව ඇත්තේ මාස කිහිපයකි. ඒ මාස කිහිපය තුල ශ්‍රී ලංකාවේ ඉතිරිව තිබෙනා අවසන් සම්පත් කිහිපයද විනාශ කරගෙන යාම කාලකණ්නීන්ගේ අරමුණය.

තමන් දිනෙක රටෙහි පාලකයා වුවහොත් ශ්‍රී ලංකාවේ ආර්ථික සංවර්ධනයට පුල්මුඩේ ඛණිජ වැලි යොදා ගැනීමට ගෝඨාභය රාජපක්ෂ මහතාට තිබු අපේක්ෂාවද එලෙසින් බොඳ විය.

-ඉශාන් ජයසූරිය
උපුටා ගැනීම මුහුණුපොතෙන්



Leave a Reply

Your email address will not be published. Required fields are marked *

ප‍්‍රධාන පුවත්

බදියුදීන් තුට්ටු දෙකට අරාබියට විකුණන් කන්න යන ජාතියේ මහා ධන නිධානය ගැන හෙළිදරව්වක්

ත්‍රීකුණාමලය නගරයේ සිට නීලාවේලී දර්ශනීය මුහුදු තීරය පසු කරමින් මඳ දුරක් යන විට කළු පැහැගැන් වූ වටිනාකමින් අනූන මෙම ඛණිජ වෙරළ තීරුව දැ...


Read More

එක්සත් ජාතීන්ගේ ප්‍රඥප්ති කඩකන මානව හිමිකම් සමුලුව මානව හිමිකම් රකින්නේ කෙසේද? සරත් වීරසේකර මානව හිමිකම් කොමසාරිස්වරිය පතුරු ගසයි (Video)

මානව හිමිකම් සමුලුව එක්සත් ජාතීන්ගේ සංවිධානයේ ප්‍රඥප්ති කඩකරමින් මානව හිමිකම් රකින්නේ කෙසේද? රියර් අද්මිරාල් (විශ්‍රාමික) සරත් වීරසේකර මහ...


Read More

මැදින් පුර පසළොස්වක පෝය අදයි (Video)

මැදින් පුර පසලොස්වක පොහොය දිනය අදට (20) යෙදී තිබේ. බුද්ධ චරිතයේ වැදගත් සිදුවීම් කිහිපයක්ම අද වැනි පොහොය දිනකදි සිදුව ඇති බව බෞද්ධ ඉතිහ...


Read More