විදේශ පුවත්

රුපියල් බිලියන 14ක නිවාස ව්‍යාපෘතියක මූල්‍ය වංචාවක් සම්බන්ධයෙන් පාකිස්තාන ජාතික වගවීමේ කාර්යාංශය මඟින් අත්අඩංගුවට ගෙන අධිකරණයට ඉදිරිපත් කරන ලද පාකිස්තාන විපක්ෂ නායක ෂබාස් ෂරීෆ් දින දහයකට රක්ෂිත බන්ධනාගාරගත කර ඇත.

පාකිස්තාන ජාතික සහ පළාත් සභාවන්හි මැතිවරණ තිස්හතක අතුරු මැතිවරණය ඔක්තෝබර් මස 14 වැනිදා පැවැත්වීමට කටයුතු යොදා තිබියදී එලෙස අත්අඩංගුවට ගැනීම සැකසහිත බව විපක්ෂය පෙන්වා දෙයි.

පාකිස්තාන විපක්ෂ නායකවරයා අත්අඩංගුවට ගැනීම එරට අග්‍රාමාත්‍ය ඉම්රාන් ඛාන්ගේ රජයේ බලධාරීන්ගේ උපදෙස් මත සිදු වූ බවටද විපක්ෂය චෝදනා කරයි.

ඉම්රාන් ඛාන්ගේ ආණ්ඩුව විරුද්ධවාදීන් මර්දනය කිරීම ආරම්භ කර ඇතැයිද ඒ සඳහා පාකිස්තාන දූෂණ විමර්ශන කාර්යාංශය සහ ආයතන යොදා ගන්නා බවද ඔවුන් පෙන්වා දෙයි.

විපක්ෂ නායක ෂබාස් ෂරීෆ් අත්අඩංගුවට ගෙන රක්ෂිත බන්ධනාගාරගත කිරීම එහි පළමු පියවර බවද විපක්ෂය ප්‍රකාශ කරයි.

කෙසේ වුවද අග්‍රාමාත්‍ය ඉම්රාන් ඛාන් සහ රජයේ ප්‍රධානීන් පෙන්වා දෙනුයේ විපක්ෂ නායකවරයා අත්අඩංගුවට ගැනීම සඳහා රජයෙන් කිසිදු බලපෑමක් නොකළ බවය. එරට සිදු වූ දූෂණ ක්‍රියාවන් විමර්ශනය කිරීමට පවරා ඇති ආයතන මඟින් එම කටයුතු සිදුකරන බවයි.



Leave a Reply

Your email address will not be published. Required fields are marked *

ප‍්‍රධාන පුවත්

ශ්‍රේෂ්ඨාධිකරණය තීන්දුවට සූදානම්!

ජනාධිපතිවරයා විසින් පාර්ලිමේන්තුව විසුරුවා හැරීමට එරෙහිව එක්සත් ජාතික පක්ෂය, ජනතා විමුක්ති පෙරමුණ, දෙමළ ජාතික සන්ධානය හා ශ්‍රී ලංකා මුස්ල...


Read More

117ගන්න සහාය දුන් දෙමළ සන්ධානයට රනිල් දුන් පොරොන්දුව

අලුත් ව්‍යවස්ථාවක් තුළින් උතුරු නැගෙනහිර ගැටලුව සම්බන්ධයෙන් සෑම දෙනාටම පිළිගතහැකි විසදුමක් ලබාදෙන බව එක්සත් ජාතික පක්ෂ නායක රනිල් වික්‍රම...


Read More

‘‘ජනතාවට තියෙන එකම විකල්පය ජනමත විචාරණයක් ලබා ගැනීමයි’’ ආචාර්ය ගුණදාස අමරසේකර මහනායක හිමිවරුන් බැහැදකිමින් කියයි (Video)

ජාතික සංවිධාන එකමුතුවේ සම කැඳවුම්කරු ගුණදාස අමරසේකර මහතා අස්ගිරි පාර්ශවයේ මහා නායක හිමියන් ඇතුළු කාර්ක සංඝ සභාවේ හිමිවරුන් අද දින බැහැ දු...


Read More