දේශීය පුවත්

අළුතින් ව්‍යවස්ථාවක් ගෙන එන්නේ නම් එය ජනතාවාදී ව්‍යවස්ථාවක් විය යුතු බවත්, එමගින් ජාතින් අතර ආගම් අතර බෙදීමක් ඇතිවන ආකාරයේ ව්‍යවස්ථාවක් නොවිය යුතු බවත් විපක්ෂනායක මහින්ද රාජපක්ෂ මහතා ඊයේ (16) පස්වරුවේ මාතලේ සංඝානන්දාරාම විහාරස්ථෘනයේ අභිනවයෙන් ඉදිකරන ලද ධාතු මන්දිරය විවෘත කිරීමේ උත්සවයේදී පැවසීය.

දින 52ක් ආණ්ඩු කිරීම ගැන සමහරු දොස් කියනවා. නමුත් එමගින් ව්‍යවස්ථාව 2/3න් සම්මත වීමට තිබූ අවස්ථාව නැති වුනා. ජනතාවට සහන රැසක් ලබාදීමට අපට ඒ කෙටි කාලය තුළ හැකි වුනා.

දහම් පාසලට දරුවන් යොදු කළ යුතුයි. පසුගිය කාලයේ විශාල වශයෙන් පාතාලය රජ කලා. මත්ද්‍රව්‍ය පැතිරුනා. අද ගම තුළටත් පාසල්වලටත් මත්ද්‍රව්‍ය ඇවිල්ලා. රජය මෙය මර්ධනය කිරීමට කටයුතු කළ යුතුයි. අපි අපේ දරුවන් ගැන අවධානය යොමු කළ යුතුයි. ත්‍රස්තවාදය නිමකල නිසයි අපට මෙහෙම ජීවත් වීමට හැකි වී තිබෙන්නේ. පසුගියදා නවසීලන්තයේ 49ක් පල්ලියක් තුළ ඝාතනය කළා. එදා කාත්තන්කුඩි පල්ලිය තුළ සියයකට අධික පිරිසක් ත්‍රස්තවාදීන් විසින් ඝාතනය කළා.

අයවැයට විරුද්ධව ඡන්දය දිය යුතුව තිබූ අවස්ථාවක අපිත් සමග සිටි කණ්ඩායමක් ඡන්දය නොදී සිටියා. ඒ ගැන මම කණගාටු වෙනවා.

අපේ පාලනය කාලය තුළ අපි ණය ගත්තා. ඒ මුදලින් අපි රටේ සංවර්ධනය ඇති කළා. ඒක පුද්ගල ආදායම වැඩි කළා. දැන් ණය ගෙන කරන දෙයක් නැහැ. ණය ගෙවීමට ණය ගැනීමත්, එය ගෙවන්න රටේ සම්පත් විකිණීමත් අපි අනුමත කරන්නේ නැහැ. රටේ දේපල එකිනෙක විකිණීමට වත්මන් රජය කටයුතු කරන බව මහින්ද රාජපක්ෂ මහතා වැඩදුරටත් පැවසීය.



Leave a Reply

Your email address will not be published. Required fields are marked *

ප‍්‍රධාන පුවත්

‘‘මම විනිසුරු මාරු කරලා මට ඕන තීරණය ලියා ගත්තා… ‘‘ හිස්බුල්ලා අධිකරණයට බලපෑම් කළ බවට පාපොච්චාරණයක්..!

නැගෙනහිර පළාත් ආණ්ඩුකාර එම්. එල්. ඒ. එම් හිස්බුල්ලා විසින් මෙරට අධිකරණ පද්ධතියට සිදු කළ භයානක අත පෙවීමක් පිළිබඳ පාපොච්චාරණයක් සිදුකර තිබේ...


Read More

ඥානසාර හිමි නිදහස් කරයි -වෙනත් පිවිසුමකින් බන්ධනාගාරයෙන් පිටව යති

ඥානසාර හිමියන් නිදහස් කර තිබේ. උන්වහන්සේගේ ආරක්ෂාව හා රටේ පවතින ආරක්ෂක තත්ත්වය අනුව වෙනත් පිවිසුමකින් බන්ධනාගාරයෙන් පිටත්ව ගොස් තිබේ. ...


Read More

පාර්ලිමේන්තුවත් තව්හිද් ත්‍රස්ත කදවුරක්, මේ රට සිරියාවක් වෙනතුරු බලා ඉන්න එපා ! – උදයශාන්ත ගුණසේකර (Video)

තව්හිද් ත්‍රස්ත සංවිධානයේ පුහුණු කදවුරු 17ක් රට පුරා ස්ථාන වලින් සොයාගෙන ඇති බවත්, පාර්ලිමේන්තුවත් ත්‍රස්ත කදවුරක් වන තරමට තත්ත්වය බරපතල ...


Read More