දේශීය පුවත්

ධීවර කර්මාන්තයට මෙන්ම සංචාරක කර්මාන්තයටද වඩාත් යෝග්‍ය ස්ථානයක් ලෙස හදුනා ගෙන ඇති ආරච්චිකට්ටුව, මුතුපන්තිය දූපතේ මේ වන විට පවුල් 150 කට ආසන්න පිරිසක් ජීවත් වෙයි .

ඊයේ (15) පස්වරුව වන විට නිවසක්ද මුහුදට බිලි වූ අතර තවත් ගොඩනැගිලි කීපයක් මුහුදට බිලිවීමේ අවදානමේ පවතන බව අප වාර්තාකරු වැඩිදුරටත් සඳහන් කළේය.

ඉකුත් වසරේද අග භාගයේ හා මේ වසරේ මුල් කාලයේ මේ දුපත මුහුදු ඛාදානයකට ලක් ඇති අතර පසුගිය වසර පහක පමණ කාලය තුළ මේ දුපත අවස්ථා කීපයකදීම උග්‍ර මුහුදු ඛාදනයකට නතු වීම හේතුවෙන් පවුල් රැසකට නිවාස අහිමිව තිබේ.

මිට යාබද පිහිටි නගුල් එළිය දුපතටද මේ ඉරණම අත් වූ අතර ඒ හේතුවෙන් එම දුපතේ පදිංචි කරුවන් සඳහා වෙනත් ස්ථාන ලබා දීමටද රජයට සිදු විණි.

පසුගිය කාලය තුළ මේ දුපතේ මීටර් 500 කට වැඩි දුර ප්‍රමාණයක් මුහුදට හේදි ගොස් ඇති බව මේ වන විට සිදු කර ඇති පරීක්ෂණවලින් අනාවරණය වී ඇති බව මුතුපන්තිය ධිවර සමිතියේ ලේකම් ෂෙල්ටන් ප්‍රනාන්දු මහතා පවසයි.

මේ වන විටත් වෙරළ ආසන්නයේ පදිංචිව සිටි කීප දෙනෙකුම තම නිවාස අතහැර වෙනත් ස්ථානවල පදිංචියට ගොස් ඇති බවද ෂෙල්ටන් ප්‍රනාන්දු මහතා වැඩිදුරටත් සඳහන් කළේය.

නැගෙනහිරෙන් හැමිල්ටන් ඇලටත්, බටහිරෙන් මහ මුහුදටත් කොටුවී ඇති මුතුපන්තිය දූපත ගොඩබිම හා සම්බන්ධ වන්නේ කුඩා පාලමකින් වන අතර මෙහි වෙසෙන්නන්ගේන් බහුතරයක් කුමන ආකාරයකට හෝ ධීවර කර්මාන්තය හා එක්ව සිටියි.

ඇතමුන් කුඩා ප්‍රමාණයේ බෝට්ටු හෝ තෙප්පම් මඟින් මුහුදට ගොස් මසුන් මරාගෙන එන අතර තවත් පිරිසක් මා දැල් කර්මාන්තය හා එක්ව කටයුතු කරයි.

මිට අමතරව ඉස්සන් හා කකුළුවන් වගා කිරීමෙන් ජීවත් වන කොටසක්ද මෙහි සිටියි.

දිනෙන් දින ඉහළ යන මුහුදු ඛාදනය නිසා තමන්ගේ බෝට්ටු සහ තෙප්පම් ගාල් කිරීමටද ස්ථානයක් නොමැති වී ඇති බව මුතුපන්තිය දූපතේදී ධිවර සමිතියේ සභාපති රොෂාන් ප්‍රනාන්දු මහතා පවසයි

මේ අතර මෑතක සිට සංචාරක ව්‍යාපාරයකටද සුදුසු ස්ථානයක් ලෙස මුතුපන්තිය දූපත නම් කර ඇති අතර ඊට හේතුව වී ඇත්තේ මුතුපන්තිය දූපතට ආසන්නයෙන්ම පිහිටා ඇති ආනවිළුන්දාව රම්සා තෙත් බිම් අභය භූමියයි.

ආනවිළුන්දාව රම්සා තෙත් බිම යනු සංචාරක පක්ෂීන්ගේ පාරාදීසයක්ද වන අතර දෙස් විදෙස් සංචාරක පක්ෂීන් මෙම තෙත් බිමට වාර්ෂිකව පැමිණෙයි.

මුතුපන්තිය දුපත දිගින් දිගටම මුහුදු ඛාදනයට නතු වන්නේ දැනට දමා ඇති ගල් වැටී නිසි පරිදි නොදැමීම නිසා යැයි මෙහි ජිවත් වන බහුතර ධිවරයනගේ මතයයි.

මේ පිළිබඳව වයඹ ධිවර ඇමති සුමල් තිසේරා මහතාගෙන් කළ විමසීමේදී ඔහු කියා සිටියේ මේ පිළිබඳව වෙරළ සංරක්ෂණ දෙපාර්තුමේන්තුවේ අවධානය යොමු කර ඇති බවයි .



Leave a Reply

Your email address will not be published. Required fields are marked *

ප‍්‍රධාන පුවත්

කිරි පිටි ත්‍රස්තවාදයේ ඇත්ත නැත්ත – විශේෂ හෙළිදරව්ව (සජීව විකාශය)

කිරිපිටි පිළිබඳව මේ වන විට ඇති වී ඇති ගැටළුකාරී තත්වය සම්බන්ධයෙන් වූ විද්වත් කතිකාවක් අද සඳුදා සවස 3.30ට කොළඹ 07 විජේරාම මාවතේ පිහිටි හෙක...


Read More

අද සිට නිල වශයෙන් දිනකට පැය 4ක් විදුලිය කැපේ – දහවලට පැය 3ක්: රාත‍්‍රියට පැයක් සෙනසුරාදාට පැය 2.15යි – ඉරිදා නෑ

- අධික විදුලිය ඉල්ලූම හමුවේ ප‍්‍රමාණවත් විදුලි සැපයුමක් ලබාදීමට නොහැකි වීම හේතුවෙන් එක් ප‍්‍රදේශයකට දිනකට පැය 04 ක කාලයක් විදුලි සැපය...


Read More

මේ අවස්ථාව ගිලිහී යන්නට නොදී අපේ රට නිවැරදි ඉලක්කයක් කරා ගෙනයන්නට එක්වෙමු.

ගෝඨාභය රාජපක්ෂ මහතා කොටිකාවත්ත සණස උත්සව ශාලාවේ දී පැවති එළිය වැඩසටහනට (මාර්තු 23) සහභාගි වෙමින් මෙසේ අදහස් දැක්වූවා. විශේෂයෙන්ම කි...


Read More