ව්‍යාපාරික පුවත්

වර්ධනය නොවූ ප්‍රාග්ධන වෙළෙඳපොළ මගින් සංවර්ධනය සඳහා පෞද්ගලික අංශයේ දායකත්වය අඩුකර ඇති බව ජනාධිපතිවරයා හා අගමැතිවරයා විසින් පසුගිය දා දියත් කරන ලද ‘V2025 පොහොසත් රටක්‘ ආර්ථික දැක්මෙහි සඳහන් වේ. එහි වැඩිදුරටත් මෙසේ සඳහන් කොට ඇත.

“දකුණු ආසියාවේ ඇති ප්‍රධාන කොටස් වෙළෙඳපොළ හතර අතුරින් අවම ප්‍රාග්ධනීකරණය ඇත්තේ ශ්‍රී ලංකාවටය. ශ්‍රී ලංකා කොටස් වෙළෙඳපොළ තුළ පවතින සීමිත ධාරිතාව සහ එහි ප්‍රමාණය සැලකිය වුතු වත්කම් පදනම් සහිත පෞද්ගලික අංශයේ විශාල ආයෝජකයන් කලාපීය අනෙක් කොටස් වෙළෙඳපොළවල මූලික හිමිකම් නිකුතු, අරමුදල් වෙත යොමු කිරීමට ප්‍රබල හේතුවේ.“

“සංස්ථාපිත ණය සුරැකුම්පත් වෙළෙඳපොළ ප්‍රධාන වශයෙන් බැංකු, මූල්‍ය සහ රක්ෂණ අංශයන්ගෙන් සමන්විත වන අතර ද්විතීයික වෙළෙඳපොළ කටයුතු සීමාසහිත වීමෙන් දිගුකාලීන යටිතල පහසුකම් මූල්‍යයනය කිරීමේ අවශ්‍යතාවන්ගේ වැදගත්කම නොසලකා හැරීමට සිදුවේ. පෞද්ගලික ප්‍රාග්ධන හා ව්‍යවසාය ප්‍රාග්ධන වෙළෙඳපොළ කටයුතු ඉතා ආරම්භක අවධියක පවතී.“

මේ අතර රජය විසින් ප්‍රාග්ධන වෙළෙඳපාළ නියාමන පරිසරය දියුණු කරනු ලබන බව මෙම ආර්ථික දැක්මෙහි වැඩිදුරටත් සඳහන් වේ. ඊට අනුව සුරැකුම්පත් සහ විනිමය කොමිෂන සභා පනත සහ සාමූහිකරණය කිරීමේ බිල්පත සංශෝධනය කිරීම සහ විශාල පාරිභෝගික පිරිසක් වෙත ආයෝජන ගලා යෑමට පහසුකම් සලසමින් ව්‍යුත්පන්න සහ භාණ්ඩ වෙළෙඳාම සඳහා වන නියාමන පුළුල් කිරීම කඩිනමින් සිදු කිරීමට නියමිතය.

තවද පෞද්ගලික අංශයේ ආයේජන සඳහා සහාය දැක්වීමට වෙළෙඳපොළ පදනම් කරගත් ප්‍රතිසංස්කරණ දිරිමත් කරනු ලබන බව මෙම ප්‍රකාශනයෙහි සඳහන් වේත සෘජු විදේශීය ආයෝජන සහ විවිධාංගීකරණය වූ ආයෝජන ආකර්ෂණය කර ගැනීම සඳහා පවතින නෛතික හානියාමන රාමුව නිවැරදි කිරීම, මූල්‍ය වෙළෙඳපොළ යටිතල පහසුකම් සහ ආයතන වැදගත් වන බව එහි අවධාරණය කර සිටී.



Leave a Reply

Your email address will not be published. Required fields are marked *

ප‍්‍රධාන පුවත්

බැඳුම්කර කොමිසම පිළිබද ජනපතිගේ ප‍්‍රකාශය ගැන දැනගන්න එජාපය ජනපති හමුවට

මහ බැංකු බැඳුම්කර සිද්ධිය සෙවීමට පත් කළ ජනාධිපති කොමිසමට දොaෂාරෝපණය කරන ආණ්‌ඩු පක්‌ෂයේ පිරිස්‌ කවුරුන්දැයි හෙළි කර ගැනීම සඳහා ජනාධිපතිවරය...

2018 – අයවැය

ගරු කථානායකතුමනි, ශ‍්‍රී ලංකාව ස්වකීය 70 වන ජාතික නිදහස සමරන 2018 අප සැමට ඉතා සුවිශේෂී වසරකි. එම ඓතිහාසික මොහොත අභිමුව සිට 2018 වසර සඳහා ...

හොරුන් දූෂිතයන් මිනීමරුවන් සමඟ ශ්‍රීලනිපය සන්ධාන ගතවන්නේ නෑ

ශ්‍රී ලංකා නිදහස් පක්ෂය එක එක කොටස් එක්ක නැවත සන්ධාන ගත විය යුතු යැයි සමහරු කියනවා. නමුත් හොරු, දූෂිතයෝ, මිනීමරුවෝ එක්ක සන්ධාන ගත වෙලා රට...