දේශීය පුවත්

පාස්කු ප‍්‍රහාරයේ සුලමුල නිවැරදිව හඳුනාගෙන වගකිව යුත්තන් නීතිය හමුවට පැමිණවිය යුතු යැයි ජනාධිපති ගෝඨාභය රාජපක්‍ෂ මහතා පැවසීය.

අපේ‍්‍රල් 21 පාස්කු ඉරිදා ප‍්‍රහාරය විමර්ශනය කරනු පිණිස පත්කර ඇති ජනාධිපති පරීක්‍ෂණ කොමිසමේ සාමාජිකයන් සහ ජනාධිපති ගෝඨාභය රාජපක්‍ෂ මහතා අතර ජනාධිපති කාර්යාලයේදී (02 වැනිදා* පස්වරුවේ පැවැති හමුවේදී ජනාධිපතිවරයා එසේ කීවේය.

මෙහිදී පරීක්‍ෂණ කොමිසමේ කාර්යභාරය හා සංයුතිය පැහැදිලි කළ කොමිසමේ සභාපති අභියාචනාධිකරණ විනිසුරු ජානක ද සිල්වා මහතා මෙතෙක් කළ විමර්ශනවල සාරාංශයක් ජනාධිපතිවරයා වෙත ඉදිරිපත් කළේය. ප‍්‍රහාරයක් සිදුවන බවට කල් තබා ලැබුණු තොරතුරු අදාළ බලධාරීන් බරපතල ලෙස සැළකිල්ලට ගෙන නැතැයි සභාපතිවරයා කීය. මේ බව වසන් කිරීම පිණිස ඇතැම් නිලධාරීන් ව්‍යාජ ලේඛන සකසා ඇති බවට සැකයන් මතුවන බවද විනිසුරුවරයා පැවසීය.

එහිදී වැඩිදුරටත් අදහස් දැක්වූ ජනාධිතිවරයා,

ප‍්‍රහාරයේ සුලමුල නිවැරදිව හඳුනාගෙන වගකිවයුත්තන් නීතිය හමුවට පැමිණ විය යුතුයි. මැල්කම් රංජිත් කාදිනල් තුමාගේ අභිලාෂය ද එයයි. ආරක්‍ෂක ලේකම්වරයාව සිටියදී ආරක්‍ෂක මණ්ඩලය නිතිපතා රැුස්වුණා. බුද්ධි අංශ නිලධාරීන් සමග ආරක්‍ෂක තත්ත්වය ගැන නිරන්තරයෙන් සාකච්ඡුා කළා. ආරක්‍ෂාවට තර්ජනයක් වන තොරතුරක් ලැබුණු සැණින් නොපමාව අවශ්‍ය පියවර ගත්තා. පිටරටවලින් පැමිණ අන්තවාදී අදහස් ප‍්‍රචලිත කරමින් සිටි දේශකයන් 160 ක් පිටුවහල් කළා.

පසුගිය පාලන සමයේදී ජාතික ආරක්‍ෂාව පිළිබඳව ලිහිල් ආකල්පයකින් ක‍්‍රියාකිරීම නිසා බුද්ධි අංශ යාන්ත‍්‍රණය බිඳවැටුණා. එහි ප‍්‍රතිඵලයක් ලෙස ඉස්ලාමීය අන්තවාදය ප‍්‍රචලිත කිරීම නතර කිරීමට නොහැකි වුණා. ප‍්‍රහාරය පිළිබඳ සියලූ තොරතුරු අනාවරණය කර ගත යුතුයි. මෙවැනි ප‍්‍රහාර නැවත සිදුනොවනු පිණිස ගත යුතු පියවර නිර්දේශ කිරීම කාලීන අවශ්‍යතාවක්. ආරක්‍ෂක යාන්ත‍්‍රණය බිඳවැටීමට වගකිව යුත්තේ කවුරුන්ද යන්නත් හෙළි කර ගත යුතුයි. මෙවැනි ප‍්‍රහාර නැවත සිදුනොවනු පිණිස ගත යුතු පියවර නිර්දේශ කිරීම කාලීන අවශ්‍යතාවක්. ආරක්‍ෂක යාන්ත‍්‍රණය බිඳවැටීමට වගකිව යුත්තේ කවුරුන්ද යන්නත් හෙළි කර ගත යුතුයි. එසේම මේ සඳහා කොමිසමට අවශ්‍ය පහසුකම් සැලසීමට කටයුතු කරනවා.

අභියාචනාධිකරණ විනිසුරු නිශ්ශංක බන්දුල කරුණාරත්න, විශ‍්‍රාමික අභියාචනාධිකරණ විනිසුරු නිහාල් සුනිල් රාජපක්‍ෂ, විශ‍්‍රාමික මහාධිකරණ විනිසුරු බන්දුල කුමාර අතපත්තු සහ අධිකරණ අමාත්‍යාංශයේ හිටපු ලේකම් ඩබ්. එම්. එම්. අධිකාරි යන මහත්වරුන් මෙම කොමිසමේ සෙසු සාමාජිකයෝ වශයෙන් කටයුතු කරති.



Leave a Reply

Your email address will not be published. Required fields are marked *

ප‍්‍රධාන පුවත්

හිතවත්කමට පත් කළ තානාපතිවරු 30 ක් ඉවතට

පසුගිය රජය විසින් තම පෞද්ගලික හිතවත්කම මත රටවල් කිහිපයකට පත් කළ තානාපතිවරුන්, මහකොමසාරිස් වරුන් සහ විදේශ සේවා නිළධාරීන් රැසක් එම ධූරවලින්...


Read More

ස්විස් වැඩේ රහස් එළියට

ස්විට්සර්ලන්ත තානාපති කාර්යාලයේ සුදුවෑන් සිද්ධිය ගැන පරීක්ෂණ සිදුකරන පරීක්ෂකයන් එහි සුලමුල අනාවරණය කරගෙන ඇතැයි ඉහළ පෙළේ ආරක්ෂක ආරංචි මාර්...


Read More

ගොවි බිම් ලක්ෂයකට වැඩි ප්‍රමාණයක් ආපදාවට ලක් වෙලා… වන්දි ලබාදීමට වහාම කටයුතු කරන්න…

දිවයිනට බලපා තිබෙන අධික වර්ෂාවත් සමග ගොවි ජනතාවගේ ගොවි බිම් අක්කර ලක්ෂයකට අධික ප්‍රමාණයක් ජලයෙන් යටවීමෙන් හා වී, එළවලු, පලතුරු, සුළු අපනය...


Read More