විදේශ පුවත්

අමෙරිකානු ජනාධිපති ඩොනල්ඞ් ට‍්‍රම්ප් රුසියානු ජනපති ව්ලැද්මීර් පුටින්ට 2013 වසරේ දී යවන ලද පෞද්ගලික ලිපියක් පිළිබඳ අනාවරණය වී තිබේ. එම වසරේ මොස්කව්හි පැවැති ‘විශ්ව රූ රැජිණ’ තරඟයට සහභාගි වන්නැයි ට‍්‍රම්ප් මෙම ලිපිය මගින් ඉල්ලා තිබුණි. මෙම ලිපිය ලියා තිබුණේ ට‍්‍රම්ප් අමෙරිකාවේ ජනාධිපතිවරයා වීමටත් පෙර ය. රුසියාවේ මොස්කව්හි පැවැති එම විශ්ව රූ රැුජිණ තරගය සංවිධාන කොට තිබුණේ එකල ව්‍යාපාරිකයකු වූ ට‍්‍රම්ප් හා ක්‍රෝකස් සමූහ ව්‍යාපාරය එ්කාබද්ධවයි.

යතුරුලියනය කරන ලද එම ලිපියට ට‍්‍රම්ප්ගේ අත්අකුරින් පාද සටහනක් ද දක්වා තිබේ. පාද සටහනින් ට‍්‍රම්ප් පවසා ඇත්තේ විශ්ව රූ රැජිණ තරගය බැලීමට එන ගමනේ දී ‘ලස්සන කාන්තාවන්’ දැකගත හැකි බවයි. මෙම ලිපිය පුටින් වෙත ලැබුණේ ද ඊට පුටින් ප‍්‍රතිචාර දැක්වීද යන්න පිළිබඳ හෙළිවී නැත. පුටින් වසර ගණනාවක් තිස්සේ සැලසුම්සහගතව ට‍්‍රම්ප් අමෙරිකාවේ ජනාධිපති ධුරයට පත්කිරීමට කටයුතු කළ බවටත් දෙදෙනා අතර පවතින සබඳතාව පිළිබඳවත් එල්ල වූ චෝදනා සොයාබැලීම සඳහා දැනට සිදුකෙරෙමින් පවතින විශේෂ විමර්ශනයට ද මෙම ලිපිය ප‍්‍රබල සාක්ෂියක් වී තිබේ. මෙම ලිපිය ආන්දෝලනයට තුඩුදීමට හේතුවී ඇත්තේ එයයි.

මයිකල් ඉසිකොෆ් හා ඬේවිඞ් කෝන්ගේ නවතම කෘතිය වන zRussian Roulette: Inside Putin’s War on America and the Election of Donald Trump.Z ග‍්‍රන්ථයට අනුව මෙම කරුණු අනාවරණ වී ඇත. එම ග‍්‍රන්ථයෙන් හෙළිකරන්නේ ද ‘මොස්කව් රූ රැුජිණ තරගයෙන් ඇරඹි ට‍්‍රම්ප් හා පුටින්ගේ ලෝකය හෙල්ලූ නින්දිත සූදුව’ පිළිබඳව යැයි කතෘවරුන් දක්වා තිබේ.

ප‍්‍රථම වරට රුසියාවේ පැවැති එම විශ්ව රූ රැුජිණ තරගයට රුසියානු ජනාධිපතිවරයා කැඳවා ගෙන එ්මේ කොන්ත‍්‍රාත්තුව ක්‍රෝකස් සමූහ ව්‍යාපාර හිමිකරු සමඟ ට‍්‍රම්ප් අත්සන් තබා තිබුණේ කලකට පෙර ලාස් වේගාස්හි පැවැති ‘අමෙරිකානු රූ රැුජිණ’ තරගයේදී ය. රූ රැුජිණ තරග මිලදී ගනිමින් ට‍්‍රම්ප් කලක සිට තම ව්‍යාපාරික නාමය ඊට අලවාගෙන තිබුණි.

කෙසේවෙතත් ට‍්‍රම්ප්ගේ ඉල්ලීමට පුටින්ගේ ප‍්‍රතිචාරය ක්‍රෝකස් සමූහ ව්‍යාපාරය අධිපතිවරයා විසින් යවා තිබුණේ ‘රුසියානු ජනාධිපතිවරයා මොස්කව් රූ රැුජිණ තරගයට සහභාගි වීම තහවුරු කර තිබෙනවා’ යනුවෙනි. කෙසේවෙතත් අවසන් මොහොතේ දී පුටින්ට ඊට සහභාගි වීමට නොහැකි වී ඇති අතර එ් පිළිබඳ තම කනගාටුව ට‍්‍රම්ප් වෙත ප‍්‍රකාශ කර තිබුණි. ක්‍රෝකස් ව්‍යාපාර අධිපතිවරයා මාධ්‍ය වෙත එකල පවසා තිබුණේ එම ප‍්‍රතිචාරයෙන් ට‍්‍රම්ප් මහත් සතුටින් ඉපිල ගිය බවයි. ඩොලර් මිලියන 20ක් ගෙවා විශ්ව රූ රැුජිණ තරගය මොස්කව්හි පැවැත්වීමට ට‍්‍රම්ප් කටයුතු කර තිබුණේ පුටින්ගේ පෞද්ගලික අවධානය ලබාගැනීම උදෙසා ඔහු ‘අල්ලාගැනීමට’ බව ද එහි සඳහන් ය. කෙසේවෙතත් ඉන්පසුව ද ට‍්‍රම්ප් හා පුටින් අතර සිදුවූ දේ පිළිබඳ මෙමගින් විස්තර කර තිබේ.

2016 පැවැති අමෙරිකානු ජනාධිපතිවරණ සමයේ සිට ට‍්‍රම්ප්ට එල්ල වූ ‘පුටින්ගේ නියොජිතයා’ යන චෝදනාව පිළිබඳ විමර්ශනයක් සිදුවෙමින් පවතී. මෙම ලිපියත් සමඟ ඔවුන්ගේ විමර්ශන ද නව මඟකට හැරෙනු ඇතැයි විදෙස් වාර්තාවල දැක්වේ.



Leave a Reply

Your email address will not be published. Required fields are marked *

ප‍්‍රධාන පුවත්

රාජපක්ෂ පවුල්පාලනය ගැන කියන්න‘‘හිරු බලයට“ ආ අජිත් පෙරේරා කණ පිරෙන්න අහගනී..(Video)

හිරු රූපවාහිනියේ පැවැති ‘බලය’ දේශපාලන වැඩ සටහනේදී රාජපක්ෂ පවුල් පාලනය සම්බන්ධයෙන් දිගින් දිගටම අදහස් පළ කළහ නියෝජ්‍ය ඇමති අජිත් පී පෙරේරා...


Read More

මහින්ද සුදුසුම විකල්පය තෝරා ගනියි

පාර්ලිමේන්තුවේ රැඳී සිටිමින් අග්‍රාමාත්‍ය ධුරය හිමි කරගැනීම වඩාත්ම යහපත් විකල්පයක් බව හිටපු ජනාධිපති මහින්ද රාජපක්ෂ පවසයි. පසු ගිය ...


Read More

චම්පික – විජයදාස ජනපතිට එකග වෙද්දී රාජිත – මංගල විරුද්ධ වෙයි..යහපාලනය උණුසුම් කළ විශේෂ කැබිනට් ගෝරියේ නොකී රහස් මෙන්න..

13 වැනිදා රැස්වූ විශේෂ කැබිනට් රැස්වීමේදී ප්‍රධාන කාරණ කිහිපයක් පිළිබඳ ජනාධිපති මෛත්‍රීපාල සිරිසේන මහතා විනාඩි 45ක පමණ දීර්ඝ විස්තරයක් ක...


Read More