විදේශ පුවත්

අමෙරිකානු ජනාධිපති ඩොනල්ඞ් ට‍්‍රම්ප්ට එරෙහි දෝෂාභියෝගයේ පළමු විභාගය එළඹෙන සතියේදී විභාගයට ගැනීමට නියමිත බව කොංග‍්‍රසය නියෝජනය කරන ඩිමෝක‍්‍රටික් සාමාජිකයින් පවසයි.

එහිදී රාජ්‍ය දෙපාර්තමේන්තු නිලධාරීන් තිදෙනෙක් පළමුව සාක්ෂි ලබාදීමට නියමිතයි. රිපබ්ලිකන් සහ ඩිමොක‍්‍රටික් නීති සම්පාදකයින් විසින් මෙම සාක්ෂි විමසීම සිදු කරන බව විදෙස් මාධ්‍ය වාර්තා කරයි. එහි කිසිඳු අවස්ථාවක් සජීවී ලෙස විකාශය නොකිරීමට බලධාරීන් තීරණය කර ඇත.

අමෙරිකාවේ හිටපු උප ජනාධිපති ජෝ බයිඞ්න්ගේ පුත‍්‍රයාට එරෙහිව කි‍්‍රයාමාර්ග ගැනීමට යුක්රේන ජනාධිපතිවරයාට බලපෑම් එල්ල කිරීම සම්බන්ධයෙන් ජනාධිපති ඩොනල්ඞ් ට‍්‍රම්ප්ට චෝදනා එල්ල වේ. ජනාධිපතිවරයා දෝෂාභියෝගයට ලක්වන්නේ ද එම චෝදනාව යටතේයි. කෙසේවෙතත් තමන්ට එරෙහිව එල්ල වන චෝදනා ප‍්‍රතික්ෂේප කරන බව ජනාධිපති ඩොනල්ඞ් ට‍්‍රම්ප් පැවසියි.

හිටපු උප ජනාධිපති ජෝ බයිඞ්න්, ජනාධිපති ඩොනල්ඞ් ට‍්‍රම්ප්ගේ ප‍්‍රතිවාදී අපේක්ෂකයෙකු ලෙස එළඹෙන ජනාධිපතිවරණයට ද ඉදිරිපත්වීමට නියමිතය.

විදෙස් වාර්තා පවසන පරිදි මෑත කාලීන අමෙරිකානු ඉතිහාසය තුළ ජනාධිපතිවරයෙකුට එරෙහිව දෝෂාභියෝගයක් එල්ල වී ඇත්තේ අවස්ථා 02 කදී පමණි.

ඒ, හිටපු ජනාධිපතිවරුන් වන ඇන්ඩෲ ජොන්සන්ට සහ බිල් ක්ලින්ටන්ට එරෙහිවය. එහෙත් එම දෝෂාභියෝගයන් 02 කම පරාජයට පත්ව තිබෙනවා. අමෙරිකාවේ හිටපු ජනාධිපති රිචඞ් නික්සන් හටද දෝෂාභියෝග චෝදනා එල්ල වී ඇති අතර එය විභාගයට ගැනීමට පෙර ඔහු සිය ධූරයෙන් ඉල්ලා අස්වී තිබුණාි.



Leave a Reply

Your email address will not be published. Required fields are marked *

ප‍්‍රධාන පුවත්

හදිසි පාර්ලිමේන්තුමැතිවරණයක්

හදිසි මහ මැතිවරණයක් පැවැත්වීම සඳහා පූර්ණ සහයෝගය ලබාදීමට අග්‍රාමාත්‍ය රනිල් වික්‍රමසිංහ ප්‍රමුඛ රජය තීරණය කර තිබේ. අග්‍රාමාත්‍යවරයාගේ...


Read More

මහින්දගේ අවධානය 19 වැනි සංශෝධනයට

නව ජනාධිපතිවරයා දිවුරුම් දීමෙන් පසුව 19 වැනි ආණ්ඩුක්‍රම ව්‍යවස්ථා සංශෝධනයෙන් ඇති කර තිබෙන අලුත් තත්ත්වය සම්බන්ධයෙන් සමාලෝචනය කර පවතින නීත...


Read More

ආණ්ඩුව ගැන තීරණයක් ගන්න මන්ත්‍රීවරු හෙට පාර්ලිමේන්තුවේදී රැස්වෙති

ආණ්ඩුව ලෙස ගත යුතු ඉදිරි පියවර සම්බන්ධයෙන් ආණ්ඩු පක්ෂයේ සියලුම මන්ත්‍රීවරුන් හෙට (18) පස්වරුවේ රැස්වී තීන්දුවක් ගැනීමට නියමිතය.
Read More