දේශීය පුවත්

බන්ධනාගාරගතව සිටින බොදුබල සේනා සංවිධානයේ මහ ලේකම් ගලගොඩඅත්තේ ඥාණසාර හිමියන් සහ බුද්ධි අංශයේ නිලධාරීන් 45 දෙනා  වෙසක් පොහොය දිනයේදී නිදහස් කරන ලෙස බලපිටිය ශාසනාරක්ෂක බල මණ්ඩලයේ සභාපති  බලපිටියේ ධම්මික හිමියෝ රාජ්‍ය වෙසක් උත්සවයෙදී ජනාධිපතිවරයාගෙන් ඉල්ලා සිටියහ.

ජනාධිපතිවරයාගේ ප්‍රධානත්වයෙන් තෙල්වත්ත තොටගමුව පුරාණ රත්පත් රජ මහා විහාරස්ථානයේදී අද (17) පැවැති රාජ්‍ය වෙසක් උත්සවයේදී බුද්ධ ශාසන අමාත්‍ය ගාමිණි ජයවික්‍රම පෙරේරා මහතා සිය කතාව අවසන් කර සිටියදී ඇමැතිවරයාට ලිපියක් බාර දීම සඳහා යැයි කියමින් වේදිකාවට නැග උන්වහන්සේ එම ඉල්ලීම කළහ.

එහිදී උන්වහන්සේ මෙසේද කීය.

‘‘තෙරුවන් සරණයි ඇමැතිතුමා,අපිට අපේ ශාසනය වෙනුවෙන් ඉන්න ප්‍රධානම ඇමතිවරයා ඔබතුමා.මේ සිද්ධිය වෙලාවේදී අපි හැමෝම හාමුදුරුවරු බුදු හාමුදුරුවරුන්ගේ ධර්මයන් එක්ක තමයි ඉන්නේ.

මම බලපිටියේ ශාසනාරක්ෂක මණ්ඩලයේ සභාපති හාමුදුරුවෝ.හිටපු විදුහල්පතිවරයෙක්,ප්‍රාදේශීය සභාවත් නියෝජනය කරනවා.මගේ ප්‍රදේශයේ බලපිටියේ මුස්ලිම් පවුල් 42 ක් ඉන්නවා.බොහොම සාමකාමීයි.

අද ඒ අය අපිට කියනවා 2010 වසරේදී ඥාණසාර ස්වාමීන් වහන්සේ මේ අන්තවාදය පෙන්වා දුන්න එක.ඔබ වහන්සේලා සමඟ අපට සමගියෙන් ඉන්න බැරි එක නැති කරලා තියෙන්නේ මේ අන්තවාදය නිසා.

ඒ නිසා ජනාධිපතිවරයා ඉන්න ශාලාවේදී බොහොම ගෞරවයෙන් ආදරයෙන් සිහිපත් කරනවා අපේ ඥාණසාර ස්වාමීන් වහන්සේව වෙසක් පොහොය දවසේ නිදහස ලබා දෙන්න.

ඒ වගේම රට වෙනුවෙන් කටයුතු කළ බුද්ධි අංශයේ නිලධාරීන් 45 දෙනාටත් නිදහස දෙන්න.මේ රට වෙනුවෙන් සංහිඳියාව වෙනුවෙන් ඒ ඇත්තන් කටයුතු කළේ.

ආරංචියේ හැටියට රැඳවියන් 673 දෙනෙකු නිදහස් කරනවා.එකේ මේ ඇත්තෝ නැහැ කියන කතාව තියෙනවා.

ෆයිල් එකක් මා ගාව තියෙනවා.ගරුතර සංඝරත්නය අත්සන් කරපු එකක් .ඒක මම ජනාධිපතිතුමාටයි ඇමැතිතුමාටයි දෙනවා.

බොහොම පිං සිද්ධ වෙයි.සංහිදියාවට කටයුතු කළ අපේ ස්වාමීන්වහන්සේට නිදහස දෙන්න.ඒ ගැන ප්‍රකාශයක් කරන ලෙසත් අපි මේ වෙලාවේ කියවා.

ඇමතිතුමනි ඔබතුමා අපේ ඇමැතිවරයා මේ රට සිංහල බෞද්ධ රටක් ද නැද්ද කියන එක අපට ප්‍රකාශයට පත් කරන්න.බොහොම ගෞරවයෙන් ඔබතුමාට ඒක සිහිපත් කරනවා.

මේ වෙලාවේ මංගල සමරවීර ඇමැතිවරයා ආවනම් මේ මහා සංඝරත්නය පිටව යන්නයි හිටියේ.

මහා සංඝරත්නය අත්සන් කරපු මේ ලේඛනය මම ජනාධිපතිවරයාට දෙනවා . අපේ ඥාණසාර ස්වාමීන් වහන්සේ සහ බුද්ධි අංශ නිලධාරීන් වෙසක් පොහොය දවසේ නිදහස් කරන්න කියලා.

බුද්ධ ශාසන ඇමැති ගාමිණී ජයවික්‍රම පෙරේරා

ඔබවහන්සේ විහාරස්ථානයේ දහම් පාසල දියුණු කරන්න කියලා දුන්න ලිපියක් ෆයිල් එකේ තියෙන්නේ.මා ඒ ගැන කටයුතු කරන්නම්.ඊට එහා අපි කවුරුත් අපේ යුතුකම් කරනවා යැයි පවසමින් ඇමැතිවරයා වේදිකාවෙන් බැස ගියේය.



Leave a Reply

Your email address will not be published. Required fields are marked *

ප‍්‍රධාන පුවත්

“අපේක්ෂාවේ අපේක්ෂකයා” ප්‍රකාශයට පත් කිරීම අද (18) ගෝල්ෆේස් පිටියේදී

ප්‍රගතිශීලී ප්‍රජාතන්ත්‍රවාදී පක්ෂ, වමේ පක්ෂ, සිවිල් සංවිධාන සහ පුද්ගලයින් රැසකගේ එකතුවෙන් ගොඩනැගී ඇති විකල්ප දේශපාලනයේ ජනතා කඳවුර වන ජාත...


Read More

රිෂාඩ්, හකීම්, සාලි, හිස්බුල්ලා සමඟ සන්ධානගතවීමට සිහින දකින්නන්ගේ සිහින බිඳීම සිංහලයාගේ පරම යුතුකමක් – ජාතික සංවිධාන කියයි.

ජාතික පුවත්පත් වලට ලිපියක් සපයමින් වෛද්‍ය වසන්ත බණ්ඩාර මහතා සඳහන් කරන්නේ රිෂාඩ්, හකීම්, සාලි, හිස්බුල්ලා වැනි වහබ්බාදීන් සමඟ සංධානගතවී ඡන...


Read More

ශ්‍රීලනිප බලය චන්ද්‍රිකා අතට – මූලස්ථානයේ කාමරයකුත් වෙන්කර ගනී

ශ්‍රී ලංකා නිදහස් පක්ෂය ශක්තිමත් කොට යළි ගොඩනැඟීමේ වගකීම තමන් භාර ගන්නා බව හිටපු ජනාධිපතිනි චන්ද්‍රිකා බණ්ඩාරනායකක කුමාරතුංග මහත්මිය පක්ෂ...


Read More