දේශීය පුවත්

හිටපු ආරක ලේකම් ගෝඨාභය රාජපක්ෂ සිය අමෙරිකානු පුරවැසිකම ප්‍රතික්ෂේප කරමින් පසුගිය 6 වැනිදා බදාදා ඇමරිකානු තානාපති කාර්‍යාලයට අයදුම්පත්‍රයක් භාරදී තිබේ. එම භාරදුන් අයදුම්පත්‍රය ඇමරිකානු තානාපති කාර්යාලය මගින් වොෂින්ටනයේ පිහිටි රාජ්‍ය දෙපාර්තමේන්තුවට යොමු කිරීමට නියමිතය.

පසුගිය ජනවාරි මාසයේ ඇමෙරිකාවට ගොස් පුරවැසිභාවය ඉවත් කරගැනීම සඳහා අවශ්‍ය මූලික ලේඛන සකස් කරගෙන පැමිණ පසුගියදා සති පුවත්පතකට ”දැන් පුරවැසිකම අදාළම නෑ” යනුවෙන් ගෝඨාභය රාජපක්ෂ ප්‍රකාශ කළේ ඒ අනුවය බවද සදහන්වේ.

ඇමරිකා එක්සත් ජනපදයේ ආගමන හා ජාතිකත්ව පනතේ 349/A5 ගන්තියට අනුව ස්වේච්ඡාවෙන් පුරවැසිභාවය අහෝසි කර ගන්නා ආකාරය එහි සඳහන් කර තිබේ.

පුරවැසිභාවය ප්‍රතික්ෂේප කර අයදුම්පත්‍ර භාර ඇමෙරිකානු රාජ්‍ය දෙපාර්තමේන්තුව එය පිළිගැනීමෙන් පසු නිසි දිවුරුම් ප්‍රකාශයක් කොට ගුවන් ගමන් බලපත්‍රයද භාරදිය යුතුය. පුරවැසිභාවය අහෝසි කර ගැනීමේ අයදුම්පත්‍රය භාරදීමෙන් පසු එය ප්‍රතික්ෂේප වන්නේ අවස්ථාවන් දෙකකදී පමණක් බව තානාපති ආරංචි මාර්ග සඳහන් කර ඇත.

සිහි කල්පනාවෙන් තොරව එම ආඅයදුම්පත භාර දීම හා කුඩා වියේ සිටින දරුවෙකු විසින් පුරවැසි බව ප්‍රතික්ෂේප කිරීමේ අයදුම්පත භාර දීම එම අවස්ථා දෙක ය.

මේ අතර හිටපු ආරක්ෂක ලේකම් ගෝඨාභය රාජපක්ෂට මෙම මස 26 වැනි දිනය සිට අප්‍රේල් 12 දක්වා කාලය තුළ විදේශ ගත වීමට විශේෂ ත්‍රිපුද්ගල මහධිකරණය පසුගිය 15වනදා අවසර ලබාදුන්නේය. ඒ අනුව ඇමෙරිකාවේ වෙසෙන තම පුතුගෙන්ද එරට සිටින සිය හිතවතුන්ගෙන්ද සමුගෙන නැවත අප්‍රේල් දොළොස් වැනි දින යළි පැමිණීමෙන් පසු සෙසු ලිපිලේඛන තානාපති කාර්යාලයට භාර දීමට සැලසුම් කර ඇත.

ඒ අනුව ශ්‍රී ලංකාවේ ඇති ඇමරිකානු තානාපති කාර්යාලයට ගොස් දිවුරුම් ලබා දී සිය සන්තකයේ ඇති ගුවන් ගමන් බලපත්‍රය භාරදීමට නියමිතය.
කෙසේ වෙතත් පුරවැසිභාවය ප්‍රතික්ෂේප කර අයදුම්පත්‍රයක් සකස් කර තානාපති කාර්යාලයට භාර දුන් පසුව එය නැවත අවලංගු කර ගැනීමට නොහැකි බව තානාපති කාර්යාල ආරංචි මාර්ග සඳහන් කරයි.

– සති අග අරුණ



Leave a Reply

Your email address will not be published. Required fields are marked *

ප‍්‍රධාන පුවත්

ගිවිසුම් 3කින් සහ පනත් 6කින් දියත් වන ඇමරිකානු මෙහෙයුම ගැන විමල්ගෙන් කෙස් කෙලින්වෙන හෙළිදරව්ව්ක් (Video)

‘STOP USA’ සංවිධානය බිහි කරනු ලැබුවේ ඇමෙරිකා එක්සත් ජනපද රාජ්‍යය සමඟ සිදු කෙරෙන ආර්ථික හෝ වෙළඳ කටයුතු නතර කර දැමීමට නොව එහි 7 වැනි ඉන්දු ...


Read More

ජාතික ආරක්ෂාව පවතින්නේ හමුදාව හෝ ඔත්තුසේවා මත නොව පාලකයින්ගේ දැක්ම සහ ආකල්ප මතයි

සමාජයේ අති බහුතරයක් විශ්වාස කරන ආකාරයට රටේ ජාතික ආරක්ෂාව රදා පවතින්නේ හමුදාවේ ප්‍රමාණය හෝ ඔත්තුසේවා වල ක්‍රියාකාරීත්වය මත නොවන බව හිටපු හ...


Read More

යුද අපරාධ චෝදනා ඇති ද්විත්ව පුරවැසියන්ට නීති පියවර – ඇමරිකානු අධිකරණ දෙපාර්තමේන්තුව කියයි

යුද අපරාධ චෝදනා එල්ලවී ඇති ඇමරිකානු ශ‍්‍රී ලංකා ද්විත්ව පුවරුසියන්ට එරෙහිව නීතිමය පියවර ගන්නා බව ඇමරිකානු අධිකරණ දෙපාර්තමේන්තුවේ නියෝජ්‍ය...


Read More