දේශීය පුවත්

ශ්‍රී ලංකාවේ අභ්‍යන්තර ගැටලු සඳහා කිසිදු පිටස්තරයකුට බලපෑම් කිරීමට ඉඩ නොදෙන බව මෙරටට පැමිණ සිටින චීන සහ රුසියානු විදෙස් ඇමැතිවරු ඊයේ (14 වැනිදා) පැවසූහ.

හෙතෙම මේ බව කියා සිටියේ ජනාධිපති ගෝඨාභය රාජපක්ෂ හමුවූ අවස්ථාවේදීය.

මෙහිදී තවදුරටත් අදහස් දැක්වූ විදේශ කටයුතු ඇමැතිවරයා ක්‍රමෝපායික සහකරුවා ලෙස ශ්‍රී ලංකාව සමග චීනය ඉදිරියටත් කටයුතු කරනවා, ශ්‍රී ලංකාවේ ස්වෛරී භාවය, භෞමික අඛණ්ඩතාවය සහ ස්වාධීනත්වය වෙනුවෙන් පෙනී සිටිනවා. ඊට අමතරව ශ්‍රී ලංකාවේ අතිශය වැදගත් අභ්‍යන්තර කටයුතු සඳහා කිසිවකුට මැදිහත්වීමට ඉඩ දෙන්නේ නැහැ.

මෙහිදී අදහස් දැක්වූ ගෝඨාභය රාජපක්ෂ ජනාධිපතිවරයා මෙසේ පැවැසීය.

ශ්‍රී ලංකාව ස්වාධීන සහ ආර්ථිකමය වශයෙන් ශක්තිමත් රටක්. ශ්‍රී ලංකාව පිහිටා තිබෙන්නේ ප්‍රබල ක්‍රමෝපායිකව වැදගත් ස්ථානයක. මේ හේතුව නිසාම ශ්‍රී ලංකාවට දේශපාලනික වශයෙන් අභියෝග රැසකට මුහුණදීමට සිදුවුණා. මේ අභියෝග ජය ගැන්මට ඇති එකම ක්‍රමය ආර්ථික වශයෙන් සවිමත් වීමයි. ආර්ථික ස්වාධීනත්වය මගින් දේශපාලන ස්වාධීනත්වය නිරායාසයෙන්ම තහවුරු වෙනවා.

මේ අතර රුසියාව සහ ශ්‍රී ලංකාව අතර දැනට සිදුවන වෙළෙඳ ගනුදෙනු ඇමෙරිකානු ඩොලර් මිලියන සියයේ සිට හත්සිය දක්වා වැඩි කිරීමට දෙපාර්ශ්වයම එකඟ වූ බව රුසියානු විදේශ ඇමැති සර්ගේ ලැව්රෝ ඊයේ (14 වැනිදා) පැවසීය. හෙතෙම මේ බව ප්‍රකාශ කර සිටියේ විදේශ කටයුතු අමාත්‍යාංශයේ පැවැති මාධ්‍ය හමුවකට එක් වෙමිනි.

මෙහිදී අදහස් දැක්වූ රුසියානු විදේශ ඇමැති සර්ගේ ලැව්රෝ ‘‘රුසියාව සහ ශ්‍රී ලංකාව අතර රාජතාන්ත්‍රික සබඳතා ඇරඹුණු 1957 වසරේ පටන් අද වෙනතුරු එම සබඳතාවය ශක්තිමත්ව පවත්වාගෙන යෑමට ශ්‍රී ලංකාව ලබාදෙන සහාය අගය කොට සිටිමි.

කාර්මික තාක්ෂණය සහ විද්‍යාවට අදාළ ක්ෂේත්‍රයන් දෙරට අතර සහයෝගයෙන් වර්ධනය කිරීමට මීළඟ හමුවක් මේ වසරේ දෙවන කාර්තුවේදී රුසියාවේදී පවත්වනවා. ඒ වගේම ශ්‍රී ලංකාවට පැමිණෙන රුසියානු සංචාරකයන්ට ලබාදෙන ආරක්ෂාව පිළිබඳ අපි ඉතාමත් ස්තුතිවන්ත වෙනවා. ශ්‍රී ලංකාවට පැමිණෙන සංචාරකයන් ගණන ක්‍රමයෙන් වැඩි වන බව අපේ සංඛ්‍යාලේඛන පෙන්වා දෙනවා.

ශ්‍රී ලංකාව සහ රුසියාව අතර ඇති ප්‍රධාන සමානකම් නම් මෙම රටවල් දෙකම උග්‍ර ලෙස ප්‍රජාතන්ත්‍රවාදය වෙත යොමු වූ රටවල් වීමයි. ඒ වගේම රටවල් අතර සබඳතාවයන් පවත්වා ගැනීම සහ ලෝකය පුරා තිබෙන සංස්කෘතිමය විවිධත්වයට ගරු කිරීම කියන කාරණාවලදී අපි ඉතාම සමානයි.

ත්‍රස්තවාදී ප්‍රහාර වැළැක්වීමට ගත හැකි පියවර රුසියාව ලොකු අවධානයකින් සිටිනවා. අප්‍රේල් මස සිදුවූ ම්ලේච්ඡ ප්‍රහාරයට වගකිව යුතු අයට දඬුවම් ලබාදීමට අවශ්‍ය සියලුම සහාය ලබාදීමට රුසියාව සූදානම්. ආරක්ෂාව පිළිබඳ, ව්‍යවස්ථා සංශෝධනය පිළිබඳ ආදී ඕනෑම ප්‍රශ්නසහගත මොහොතකදී රුසියාවේ සම්පූර්ණ සහාය ශ්‍රී ලංකාවට ලබාදෙන්න සූදානම්.

ජනාධිපති ගෝඨාභය රාජපක්ෂ වෙත රුසියාවට පැමිණෙන ලෙස මම ඉතා ගෞරවයෙන් ආරාධනා කර සිටියා. ඉදිරියේදී ගල්ෆ් කලාපයේ හෝ මැදපෙරදිග කලාපයේ යුද්ධයක් ඇතිවීම වැළක්වා ගැනීමට ඉදිරි සැප්තැම්බර් මාසයේ පැවැත්වෙන රුසියානු සමුළුවේදී යෝජනා සම්මත කර ගැනීමට නියමිතයි.

ශ්‍රී ලංකාවට ඉදිරියටත් ආයුධ සහ යුධෝපකරණ ලබාදීමට රුසියාව කටයුතු කරනවා. ශ්‍රී ලංකා හමුදාවේ සතුරන් සමග යුද වැදීමට අවශ්‍ය සහය, යුද ශක්තිය වර්ධනය කර ගැනීමට අවශ්‍ය සහයත් රුසියාව ලබාදෙනවා. ශ්‍රී ලංකාවේ ප්‍රධාන ආයෝජන ලෙස සංචාරක කර්මාන්තයට අදාළ කටයුතු කිරීමට රුසියාව දැඩි කැමැත්තක් දක්වනවා. ඒ සඳහා ව්‍යාපාරික ප්‍රජාව එකතුවීම ඉතා වැදගත්.



Leave a Reply

Your email address will not be published. Required fields are marked *

ප‍්‍රධාන පුවත්

රිෂාඩ් බදුයුදීන් ආණ්ඩුවට අතවනයි

යහපාලන රජයේ ප්‍රබල දේශපාලන චරිතයක් වූ ශ්‍රී ලංකා මහජන කොංග්‍රසයේ නායක රිෂාඩ් බදුයුදීන් මහතා වත්මන් රජයට එක්වීම සඳහා උත්සාහ දරමින් සිට...


Read More

ජනපති ගෝඨාභය සමග සක්‍රයා සහ පුත් වයිමා එක්වුවද කළ නොහැකි දේ ගැන ජාතික සංවිධාන පැහැදිලි කරයි

ජාතික සංවිධාන නියෝජනය කරමින් ජාතික පුවත්පත්වලට ලිපියක් සපයන වෛද්‍ය වසන්ත බණ්ඩාර මහතා ජනාධිපතිතුමා සක්‍රයා සහ ඔහුගේ පුත් වයිමා සමග එක්වුවද...


Read More

රාජ්‍ය සේවය ඩිජිටල්කරණය කිරීමට ජනපතිගෙන් උපදෙස් : ජනතාවට අප්‍රමාද සේවාවක් ලබාදීමට කැපවෙන්න

රාජ්‍ය යාන්ත්‍රණයේ පවතින අකාර්යක්ෂමතාව, ප්‍රමාදය සහ දූෂණය පිටුදැකීම අරමුණු කර ගනිමින් සියලුම රාජ්‍ය ආයතන එකම දත්ත ජාලයකට යොමු කිරීමට ජනාධ...


Read More