දේශීය පුවත්

පිටරටින් ගෙන්වන කිරිපිටිවල ඇ‌ති විෂ පිළිබඳවත් ඒ‌ කිරිපිටි නිසා රටටත් රටේ දරැවන්ටත් සිදුවන සමාජ ව්‍යසනය පිළිබඳවත් පසුගියදා පාර්ලිමේන්තුවේදී නියෝ‌ජ්‍ය අමාත්‍ය බුද්ධික පතිරණ විසින් හෙළිදරව් කිරීමෙන් පසු කිරිපිටි පිළිබඳව සමාජය දැනුවත්කිරීමේ කතිකාවන් නතර කිරීමටත් ඒ‌ දැනුවත්කිරීම් කරන පුද්ගලයන් සහ සංවිධාන බියගැන්වීමටත් කිරිපිටි සමාගම් පියවර ගෙන ඇ‌ත.

පාර්ලිමේන්තු වරප්‍රසාද සහ අමාත්‍ය වරප්‍රදසාද හමුවේ බුද්ධික පතිරණ ඇ‌මතිවරයාට එරෙහිව කටයුතුකළ නො‌හැකි වූ කිරිපිටි සමාගම් වෛ‌ද්‍ය සුමිත් වන්නිආ‌රච්චි මහතාට එන්තරවාසියක් එවමින් රැපියල් මිලියන පන්සීයක් වහාම ගෙවන ලෙසත් නැතහො‌ත් නඩු දමා එම මුදල අයකරගන්නා බවත් දැනුම් දී ඇ‌ත. ඒ‌ එක්තරා නාලිකාවකදී රට කිරිපිටි පිළිබඳව ජනතාව දැනුවත් කරමින් ඒ‌ මහතා සිදුකළ සම්මුඛ සාකච්ඡාවක් පදනම් කරගනිමිනි.

මීට අමතරව මව්බිම ලංකා පදනමටද මෙම එන්තවාසිය යො‌මුකර අදාල මුදල් ඉල්ලීම සිදුකර ඇ‌ත.

තවද මව්බිම ලංකා පදනමටත් එහි සභාපති ආ‌රියශීල වික්‍රමනායක මහතාටත් එරෙහිව ඇ‌න්කර්, මැලිබන් සහ ඩයමන්ඩ් යන කිරිපිටි ගෙන්වන සමාගම් කෙළඹ වාණිජ මහාධිකරණයේ නඩු පවරා ඇ‌ත. නමුත් එම නඩු මගින් මව්බිම ලංකා පදනම සහ වික්‍රමනායක මහතා ආ‌නයනික කිරිපිටි පිළිබඳව කරන දැනුවත්කිරීම් තහනම් කරන තහනම් නියෝ‌ගයක් ඉල්ලා සිටියද වාණිජ මහාධිකරණය එවැනි තහනම් නියෝ‌ගයක් එදින ලබාදීම ප්‍රතික්ෂේප කර ඇ‌ත.

ඉහත කී නඩුවත් එන්තරවාසියත් මගින් කිරිපිටි ගෙන්වා විකුණන සමාගම් දිගින් දිගටම පෙන්වා දී ඇ‌ත්තේ ආ‌නයනික කිරිපිටි සම්බන්ධයෙන් මේ කරන හෙළිදරව් කිරීම් හේතුවෙන් එම සමාගම්වල කීර්තිනාමයට හානි සිදුවන බවත් සහ සමාගමේ ලාභයට ඒ‌ හෙළිදරව් කිරීම් සෘණාත්මකව බලපාන බවත් ය.

මේ සම්බන්ධයෙන් අදහස් දැක්වූ ජ්‍යෙෂ්ඨ නීතීඥවරයෙකු ප්‍රකාශ කළේ සමාගමක කීර්තිනාමය හෝ‌ ලාභයට වඩා සමාජයක පැවැත්ම සළකාබැලියයුතු බවට තීරණය කරමින් අධිකරණය දැනට ලබාදී ඇ‌ති තීන්දුව අනුව සමාජයට යහපත් බලාපො‌රො‌ත්තු ඇ‌තිකරගත හැකිවන බවයි.



Leave a Reply

Your email address will not be published. Required fields are marked *

ප‍්‍රධාන පුවත්

බදියුදීන් තුට්ටු දෙකට අරාබියට විකුණන් කන්න යන ජාතියේ මහා ධන නිධානය ගැන හෙළිදරව්වක්

ත්‍රීකුණාමලය නගරයේ සිට නීලාවේලී දර්ශනීය මුහුදු තීරය පසු කරමින් මඳ දුරක් යන විට කළු පැහැගැන් වූ වටිනාකමින් අනූන මෙම ඛණිජ වෙරළ තීරුව දැ...


Read More

එක්සත් ජාතීන්ගේ ප්‍රඥප්ති කඩකන මානව හිමිකම් සමුලුව මානව හිමිකම් රකින්නේ කෙසේද? සරත් වීරසේකර මානව හිමිකම් කොමසාරිස්වරිය පතුරු ගසයි (Video)

මානව හිමිකම් සමුලුව එක්සත් ජාතීන්ගේ සංවිධානයේ ප්‍රඥප්ති කඩකරමින් මානව හිමිකම් රකින්නේ කෙසේද? රියර් අද්මිරාල් (විශ්‍රාමික) සරත් වීරසේකර මහ...


Read More

මැදින් පුර පසළොස්වක පෝය අදයි (Video)

මැදින් පුර පසලොස්වක පොහොය දිනය අදට (20) යෙදී තිබේ. බුද්ධ චරිතයේ වැදගත් සිදුවීම් කිහිපයක්ම අද වැනි පොහොය දිනකදි සිදුව ඇති බව බෞද්ධ ඉතිහ...


Read More