දේශීය පුවත්

කැබිනට් අමාත්‍ය පදවිවලට පුද්ගලයන් පත් කිරීමේදී රට තුළ පවතින තත්වය පිළිබඳ පමණක් නොව එම පදවිවලට පත්වන පුද්ගලයන් සම්බන්ධයෙන් ජාත්‍යන්තර වශයෙන් පවතින පිළිගැනීමත් සැලකිල්ලට ගත යුතු බව ජනාධිපති මෛත්‍රීපාල සිරිසේන පවසයි.

ජනාධිපතිවරයා ඒ බව කියා සිටියේ, පොදු රාජ්‍ය මණ්ඩලීය රාජ්‍ය නායක සමුළුවට සහභාගි වීම පිණිස ලන්ඩන් නුවරට පැමිණි අතරවාරයේ බීබීසී සිංහල සේවය සමග විශේෂ සාකච්ඡාවකට එක්වෙමිනි.

ඕනෑම අමාත්‍යාංශයක් පිළිබඳව, ඒ ඒ විෂය පථය පිළිබඳව, ඒ වගකීම් දරන කෙනෙක් සම්බන්ධයෙන් රටෙනුත්, ජාත්‍යන්තර වශයෙනුත් පිළිගැනීමක් තියෙන්න ඕන
ජනාධිපති මෛත්‍රීපාල සිරිසේන
විශේෂයෙන්ම නීතිය හා සාමය වැනි අමාත්‍යාංශවලට පත් කළ යුත්තේ කවුරුන් දැයි රට තුළ පසුගියදා විවිධ මතවාද පැවති බව බීබීසී සිංහල සේවය පෙන්වා දුන් අවස්ථාවේ එයට ප්‍රතිචාරය දැක් වූ ජනාධිපතිවරයා සඳහන් කළේ, තමන්ට එහිදී ජාත්‍යන්තර වාතාවරණය ද සැලකිල්ලට ගැනීමට සිදු වූ බවය.

“ඕනෑම අමාත්‍යාංශයක් පිළිබඳව, ඒ ඒ විෂය පථය පිළිබඳව, ඒ වගකීම් දරන කෙනෙක් සම්බන්ධයෙන් රටෙනුත්, ජාත්‍යන්තර වශයෙනුත් පිළිගැනීමක් තියෙන්න ඕන,” ඔහු පැවසීය.

විශ්වාසභංගයට පක්ෂවූ ශ්‍රීලනිප 16 ඉවත්වෙති
ජනපති පාර්ලිමේන්තුව කල් තැබුවේ ඇයි?
ශ්‍රී ලංකා නිදහස් පක්ෂය නියෝජනය කළ අමාත්‍යවරුන් පහළොස්දෙනෙකු සහ නියෝජ්‍ය කතානායකවරයා සිය පදවිවලින් ඉල්ලා අස්වීමෙන් අනතුරුව නව කැබිනට් සංශෝධනයක් සිදුකරන බව ආණ්ඩුව නිවේදනය කර තිබේ.

එය “කැබිනට් සංශෝධනයකට” වඩා සම්පූර්ණයෙන්ම “අලුත් කැබිනට් මණ්ඩලයක් පත්කිරීමක්” ලෙස සලකන බව පවසන ජනාධිපතිවරයා, සිය ලන්ඩන් සංචාරයෙන් අනතුරුව මුලින්ම සඳුදා (අප්‍රේල් 23) දැනට පවතින කැබිනට් මණ්ඩලය මුණ ගැසෙන බවත් සඳහන් කළේය.

Image copyrightGETTY IMAGES
ඉන් අනතුරුව නව කැබිනට් මණ්ඩලය ලබන සතියේ නිවේදනය කිරීමට බලාපොරොත්තු වන බව ජනාධිපතිවරයා පවසයි.

එම “අලුත් කැබිනට් මණ්ඩලයට” කෙතරම් පිරිසක් ඇතුළත් වන්නේදැයි විමසූ අවස්ථාවේ එයට සිනහවකින් ප්‍රතිචාරය දැක්වූ ජනාධිපතිවරයා “ඒකට තව සතියක් තියෙනවනේ” යනුවෙන් සඳහන් කළේය.

නිවේදනය කිරීමට යෝජිත අලුත් කැබිනට් මණ්ඩලය “පැහැදිලිවම විද්‍යාත්මක පදනමක් අනුව විෂයයන් බෙදපු අමාත්‍යංශ” සහිත කැබිනට් මණ්ඩලයක් වන බව අවධාරණය කරමින්, චෝදනා ලැබ කැබිනට් මණ්ඩලයෙන් ඉවත් කෙරුණු පුද්ගලයන් යළිත් පත්කරන්නේ ද?නැද්ද? යන්න තීරණය කිරීම “දේශපාලන පක්ෂවල වගකීමක්” බව ජනාධිපති මෛත්‍රීපාල සිරිසේන කියා සිටියේය.

“මම ගාවට එන යෝජනාවලදී මම සොයල බලනවා ඕනෑම කෙනෙක් කැබිනට් මණ්ඩලයට පත්කිරීම සුදුසුද? නුසුදුසුද? කියන එක. ඒක මගේ වගකීමක්.”

එබැවින් “ජනතාවට විශ්වාස කළ හැකි” කැබිනට් මණ්ඩලයක් පත්කිරීම සිය වගකීම බව ඔහු සඳහන් කළේය.



Leave a Reply

Your email address will not be published. Required fields are marked *

ප‍්‍රධාන පුවත්

‘පොඩි පොඩි ආයතන නොවෙයි නීති විරෝධීව පත්කරපු අගමැතිකම පවරාගෙන සුදුස්සෙකුට දෙන්න’ -ජානිපෙ ජනපතිගෙන් ඉල්ලයි

මේ අවස්ථාවේ රට ගොඩගැනීමට නම් ජනාධිපතිවරයා කළ යුතුව ඇත්තේ කුඩා රාජ්‍ය ආයතන පවරා ගැනීම් නොව අගමැතිකම පවරාගෙන සුදුස්සාට ලබා දීම බව ජාතික න...


Read More

මහින්ද අගමැති කරන ඉල්ලීම ශ‍්‍රීලනිපය ඉවත දමයි

හිටපු ජනාධිපති මහින්ද රාජපක්‍ෂ මහතා අගමැතිවරයා ලෙස පත් කරන ලෙස ඒකාබද්ධ විපක්‍ෂයේ නායකයන් සහ 15 දෙනාගේ කණ්ඩායමේ සාමාජිකයන් ජනාධිපතිවරයාගෙන...


Read More

රට අරාජිකයි; ජනාධිපතිට මැතිසබය විසුරුවන්න පුළුවන් – සරත් එන්. සිල්වා

රට දැඩි අරාජික තත්ත්වයකට පත්ව තිබෙන අවස්ථාවක ආණ්ඩුක්‍රම ව්‍යවස්ථාවේ මූලික ව්‍යවස්ථාවේ 3, 4 වගන්ති අනුව ජනතාවගේ පරමාධිපත්‍ය බලය හිමි ජනතාව...


Read More