මුහුණු පොතෙන්

බිංගිරිය අපනයන සැපයුම් කලාපයේ වැඩ ආරම්භ කරමින් අග්‍රාමාත්‍ය රනිල් වික්‍රමසිංහ මහතා සිදුකළ ප්‍රකාශය මේ වන විට ඇගළුම් ක්ෂේත්‍රය හා සම්බන්ධ කාන්තාවන් හා ශ්‍රී ලංකාවේ ප්‍රධාන පෙළේ කාන්තා සංවිධාන කීපයක් හෙළා දැක තිබෙනවා. ඊයේ (04) පස්වරුවේ පැවති එම උත්සවයට සහභාගී වුනු අග්‍රාමාත්‍යවරයා ඉතා සැහැල්ලුවෙන් සහ සිනහ මුසු ස්වරයකින් කියා සිටියේ ” කාන්තාවන්ට හොඳම ජංගි ලෝකයේ අද හදන්නේ ලංකාව. වික්ටෝරියා සීක්‍රට් එකෙන් අහන්න ඔය ජංගි ටික කොහෙන්ද එන්නේ කියල? කාන්තාවන් දන්නවා‘‘ යනුවෙනි.

අග්‍රාමාත්‍යවරයා විසින් සිදුකරන ලද එම ප්‍රකාශය කාන්තාවන් හෑල්ලුවට ලක් කිරීමක් ලෙසින් විග්‍රහ කරන ඇතැම් කාන්තා සංවිධාන පෙන්වා දෙන්නේ අදාළ ප්‍රකාශය නිසා විශේෂයෙන්ම ඇගළුම් ක්ෂේත්‍රයේ නිරත කාන්තාවන් අපහසුතාවයට පත්වන බවයි. කටුනායක ආයෝජන කළාපය මුල් කරගනිමින් එහි සේවිකාවන්ගේ අයිතිය වෙනුවෙන් පෙනී සිටින සංවිධානයක් ප්‍රකාශ කර තිබුණේ ජාත්‍යන්තර කාන්තා දිනයේදී අගමැතිවරයා මේ පිළිබඳව කාන්තාවන්ගෙන් සමාව ගත යුතු බවයි.

එසේම එම සංවිධානයේ සම්බන්ධීකාරක චමිලා තුෂාරි බීබීසී පුවත් සේවය සමඟ ප්‍රකාශ කර තිබුනේ ආයෝජන කළාප වල සේවය කරන කාන්තාවන්ගේ ප්‍රතිරූපය වර්ධනය කිරීම සඳහා ශ්‍රී ලංකා ආයෝජන මණ්ඩලය විසින් විශාල වියදමක් දරා සිදුකරන වැඩසටහන් වලට ද එම ප්‍රකාශයෙන් විශාල හානියක් සිදුවන බවයි.

එහිදී වැඩිදුරටත් අදහස් දක්වමින් ඇය ප්‍රකාශ කර තිබුණේ යාපනයේ සිට ඇඟලුම් ක්ෂත්‍රයේ රැකියාවලට ගිය තරුණියන්ට යාපනයේ තරුණයන් “සුද්දන්ට ජංගි මහන්න යනවද නංගි ” කියා අපහාස කරන බව මීට පෙර තම සංවිධානයට වාර්තා වී තිබූ බවයි. එසේම මේ හේතුවෙන් කාන්තාවන්ට නිදහසේ පාරේ බැස යා නොහැකි තත්වයක් රටේ පාලකයා එක් නිමේෂයකින් උදා කර තිබෙන බවද ඇය ප්‍රකාශ කළා.

මේ අතර අග්‍රාමාත්‍යවරයා එම ප්‍රකාශය සිදු කළ අවස්ථාවේ තමන් ඇතුළු අසළ සිටි කාන්තාවන් ද ලැජ්ජාවට පත්ව බිම බලා ගත් බවත්, අගමැතිවරයාගේ සිදුකළ ප්‍රකාශය සත්‍ය සහ එහි ලොකු වරදක් නොදකින නමුත් ඇගළුම් කර්මාන්ත වලට සේවයට යන කාන්තාවනට මේ ප්‍රකාශය හේතුවෙන් උසුළු විසුළුවලට ලක් වීමට ඉඩ තිබෙන බවත් ඇය සඳහන් කළා.



Leave a Reply

Your email address will not be published. Required fields are marked *

ප‍්‍රධාන පුවත්

ගිවිසුම් 3කින් සහ පනත් 6කින් දියත් වන ඇමරිකානු මෙහෙයුම ගැන විමල්ගෙන් කෙස් කෙලින්වෙන හෙළිදරව්ව්ක් (Video)

‘STOP USA’ සංවිධානය බිහි කරනු ලැබුවේ ඇමෙරිකා එක්සත් ජනපද රාජ්‍යය සමඟ සිදු කෙරෙන ආර්ථික හෝ වෙළඳ කටයුතු නතර කර දැමීමට නොව එහි 7 වැනි ඉන්දු ...


Read More

ජාතික ආරක්ෂාව පවතින්නේ හමුදාව හෝ ඔත්තුසේවා මත නොව පාලකයින්ගේ දැක්ම සහ ආකල්ප මතයි

සමාජයේ අති බහුතරයක් විශ්වාස කරන ආකාරයට රටේ ජාතික ආරක්ෂාව රදා පවතින්නේ හමුදාවේ ප්‍රමාණය හෝ ඔත්තුසේවා වල ක්‍රියාකාරීත්වය මත නොවන බව හිටපු හ...


Read More

යුද අපරාධ චෝදනා ඇති ද්විත්ව පුරවැසියන්ට නීති පියවර – ඇමරිකානු අධිකරණ දෙපාර්තමේන්තුව කියයි

යුද අපරාධ චෝදනා එල්ලවී ඇති ඇමරිකානු ශ‍්‍රී ලංකා ද්විත්ව පුවරුසියන්ට එරෙහිව නීතිමය පියවර ගන්නා බව ඇමරිකානු අධිකරණ දෙපාර්තමේන්තුවේ නියෝජ්‍ය...


Read More