දේශීය පුවත්

සාපරාධී ක්‍රියාවන් රාශියකට සම්බන්ධ, ජාත්‍යන්තර පොලීසියේ රතු දත්ත ලේඛනයේ සඳහන් කසකස්තාන ජාතිකයකු අද (10) ශ්‍රී ලංකාවට ඇතුළු වීමට උත්සාහ කළ අවස්ථාවේ දී, ඔහු පැමිණි ගුවන් යානයෙන්ම ආපසු පිටුවහල් කිරීමට කටුනායක ගුවන් තොටුපළ ආගමන විගමන දෙපාර්තමේන්තු නිලධාරීන් පියවර ගෙන තිබේ.

බොටබායෙව් නූර්සාන් නැමැති මොහු 40 හැවිරිදි කසකස්තාන ජාතිකයෙකි. කසකස්තාන රජය මොහු අත්අඩංගුවට ගැනීම සඳහා වරෙන්තු නිකුත් කර තිබීම හේතුවෙන් මොහු වසර 15 ක පමණ කාලයක සිට කසකස්තාන රාජ්‍යය වෙත නොගොස්, ඩුබායිහි සිය බිරිඳ සමග රැදී සිටින බවද පැවසේ.

මොහු අද උදෑසන 8.30 ට ඩුබායි සිට පැමිණි එමිරේට්ස් ගුවන් සේවයේ ඊ.කේ.- 650 දරන ගුවන් යානයෙන් කටුනායක ගුවන් තොටුපළ වෙත පැමිණ තිබුණි.

කටුනායක ගුවන් තොටුපළ පැමිණීමේ පර්යන්තයේ ආගමන කවුළුව වෙත පැමිණ, මෙරටට ඇතුළුවීමට වීසා අවසර ලබා ගැනීම සදහා සිය ගමන් බලපත්‍රය, එහි රාජකාරියේ නියැලී සිටි ආගමන විගමන නිලධාරීවරයා වෙත භාර දී තිබේ. ගමන් බලපත්‍රය ආගමන විගමන ප්‍රත්‍යන්ත පාලන තොරතුරු පද්ධතියට ඇතුළත් කළ විට, මොහු මෙරටට ඇතුළත් කර ගැනීමට නුසුදුසු අනතුරුදායක පුද්ගලයෙකු ලෙස එහි සටහන්ව ඇති බව පෙන්නුම් කර තිබේ.

අනතුරුව වැඩිදුර පරීක්ෂණ සදහා මෙම පුද්ගලයා සහ ඔහුගේ ගුවන් ගමන් බලපත්‍රය කටුනායක ගුවන් තොටුපළ ප්‍රධාන ආගමන විගමන නිලධාරීවරයා වෙත යොමු කළ අතර, එහිදී අනාවරණය වූයේ මෙම බලපත්‍ර අංකය සහ නම ජාත්‍යන්තර පොලීසියට (Interpol ) අයත් රතු දත්ත පද්ධතියෙහි ද ඇතුළත්ව ඇති, කසකස්තානයේ සාපරාධී ක්‍රියාවන් රාශියකට සම්බන්ධ පුද්ගලයෙකු බවයි.

ඔහුගෙන් වැඩිදුර ප්‍රශ්න කරන විට ඔහු පවසා ඇත්තේ, තමන් ශ්‍රී ලංකාවේ සංචාරයක් සඳහා පැමිණි බවයි.



Leave a Reply

Your email address will not be published. Required fields are marked *

ප‍්‍රධාන පුවත්

”මම ජීවිතයේ කරපු ලොකුම පිංකම මේක – ආයෙ කවදාවත් සත්ව මාංශ අනුභව කරන්නේ නෑ” ආදිවාසී නායකයාගේ බෞද්ධ ප්‍රතිපත්තිය (Video))

දඹාන ගුරුකුඹුර ආදිවාසී ගම්මානයේ විහාරස්ථානයක චෛත්‍යක් ඉදිකිරීම සඳහා මංගල ශිලා ප්‍රතිස්ඨාපනය කිරීම පසුගියදා සිදුවුණි. එහිදී සතුටු කඳුලු...


Read More

චීනයේ සිටි සිසුන් 50ක් මව්බිමට

චීනයේ අධ්‍යාපනය ලැබීමට ගොස් සිටි ශ්‍රී ලාංකික සිසුන් 50 දෙනෙකු අද සවස කටුනායක ගුවන් තොටුපළට චීනයට අයත් ගුවන් යානා දෙකකින් පැමිණියේය. මෙය...


Read More

ගුණරුවන් කමිටුව ගෝලීය ශ්‍රී ලාංකික සංසදයට කන් දෙයි… MCC ගිවිසුම පිළිබද මහජන අදහස් විමසීමට තීරණය කරයි

M.C.C ගිවිසුම පිළිබඳව අධ්‍යනය කොට වාර්තා කිරිම සඳහා ජනාධිපතිතුමා විසින් පත් කරන ලද ආචාර්ය ලලිතසිරි ගුණරුවන් මහතාගේ නායකත්වයෙන් ක්‍රියාත්ම...


Read More