දේශීය පුවත්

ජනාධිපති මෛත්‍රිපාල සිරිසේන මහතා විසින් ආණ්ඩුක්‍රම ව්‍යවස්ථාවට අනුව අගමැති මහින්ද රාජපක්ෂ මහතාව පත්කරනු ලැබූ ගැසට් නිවේදනය තමන් පිළිගන්නා බව කථානායක කරු ජයසූරිය මහතා ඊයේ (7දා) පස්වරුවේ පැවැති පක්ෂ නායක හමුවේදී පිළිගෙන තිබේ.

එහෙත් මෙම අර්බුදය මැද රට අස්ථාවර වී තිබෙන මොහොතක, රටත් ලෝකයත් ඒ දෙස බලා සිටින නිසා පළමුව සිදුවිය යුත්තේ රට ස්ථාවර කිරීම සඳහා බහුතරය පෙන්වීම බවද කථානායකවරයා මෙහිදී අවධාරණයකර තිබේ.

ඒ අවස්ථාවේ බහුතරය ඇත්තේ කාටද යන්න පිළිබඳව කතා කිරීමට ගොස් පක්ෂ නායක හමුව සඳහා පැමිණ සිටි ආණ්ඩු පක්ෂ – විපක්ෂ මැති ඇමැතිවරුන් අතර උණුසුම් වචන හුවමාරුවක් ඇති වී තිබේ.

පැමිණ සිටි සියලු දෙනා අදහස් දැක්වීමට යෑම නිසා පක්ෂ නායක හමුව එකම ගාලගෝට්ටියක් බවට පත්ව ඇත.

මෙහිදී ආණ්ඩු පක්ෂ මැති ඇමැතිවරුන් කථානායකවරයාට දැඩිව පවසා ඇත්තේ ආණ්ඩුක්‍රම ව්‍යවස්ථාවට හා ස්ථාවර නියෝගවලට අනුව කටයුතු කරන ලෙසය.

පාර්ලිමේන්තුව වාර අවසන් කර ඇති මොහොතක එය යළි ආරම්භ කිරීමට ඇති සම්ප්‍රදාය අනුගමනය කරන ලෙසද ආණ්ඩු පක්ෂ මැති ඇමැතිවරුන් කථානායකවරයාට පවසා ඇත. එහිදී විපක්ෂයේ මන්ත්‍රිවරුන් පවසා ඇත්තේ එම සම්ප්‍රදාය කුමක් වුවද ස්ථාවර නියෝග වෙනස් කර හෝ පාර්ලිමේන්තුව ආරම්භ වන දිනට බහුතරය කාටදැයි විමසිය යුතු බවයි.
මෙහිදී නව සභානායක අමාත්‍ය දිනේෂ් ගුණවර්ධන මහතා පවසා ඇත්තේ ආණ්ඩු පක්ෂයට 113ක බහුතරයක් ඇති බවයි.

වාසුදේව නානායක්කාර ඇමැතිවරයාද එහිදී ඉතා දැඩිව අදහස් දක්වා ඇත.

ඊට පිළිතුරු දුන් හිටපු අමාත්‍ය රාජිත සේනාරත්න කියා සිටියේ “මට මහලු වයසේ බැරිය වෙන ගායනා පෙර සේ” කියාය.
අවසානයේ මෙම හමුවද එකඟතාවකින් තොරව අවසන් කිරීමට කථානායකවරයාට සිදුවිය.

මේ සඳහා ආණ්ඩු පක්ෂය නියෝජනය කරමින් දිනේෂ් ගුණවර්ධන, නිමල් සිරිපාල ද සිල්වා, මහින්ද සමරසිංහ, අනුර යාපා, චන්දිම වීරක්කොඩි, තිලංග සුමතිපාල, වාසුදේව නානායක්කාර සහ රංජිත් ද සොයිසාද, විපක්ෂය නියෝජනය කරමින් ලක්ෂ්මන් කිරිඇල්ල, ගයන්ත කරුණාතිලක, රවි කරුණානායක, රාජිත සේනාරත්න, අජිත් පී. පෙරේරා, චම්පික රණවක සහ ජවිපෙ නායක අනුර කුමාර දිසානායක එක්ව සිටියහ.

විපක්ෂ නායක ආර්. සම්පන්දන් සහ එම්.ඒ. සුමන්තිරන් මන්ත්‍රිවරුද මේ අවස්ථාවට එක්ව සිටියහ.
පක්ෂ නායක රැස්වීමේදී ඉදිරිපත් වූ කරුණු සම්බන්ධයෙන් කතානායකවරයාගේ මතය ප්‍රකාශ කෙරෙන නිවේදනයක් කථානායක මාධ්‍ය අංශය විසින් ඊයේ රාත්‍රි නිකුත් කර තිබිණි.

-Mawbima



Leave a Reply

Your email address will not be published. Required fields are marked *

ප‍්‍රධාන පුවත්

කිරි පිටි ත්‍රස්තවාදයේ ඇත්ත නැත්ත – විශේෂ හෙළිදරව්ව (සජීව විකාශය)

කිරිපිටි පිළිබඳව මේ වන විට ඇති වී ඇති ගැටළුකාරී තත්වය සම්බන්ධයෙන් වූ විද්වත් කතිකාවක් අද සඳුදා සවස 3.30ට කොළඹ 07 විජේරාම මාවතේ පිහිටි හෙක...


Read More

අද සිට නිල වශයෙන් දිනකට පැය 4ක් විදුලිය කැපේ – දහවලට පැය 3ක්: රාත‍්‍රියට පැයක් සෙනසුරාදාට පැය 2.15යි – ඉරිදා නෑ

- අධික විදුලිය ඉල්ලූම හමුවේ ප‍්‍රමාණවත් විදුලි සැපයුමක් ලබාදීමට නොහැකි වීම හේතුවෙන් එක් ප‍්‍රදේශයකට දිනකට පැය 04 ක කාලයක් විදුලි සැපය...


Read More

මේ අවස්ථාව ගිලිහී යන්නට නොදී අපේ රට නිවැරදි ඉලක්කයක් කරා ගෙනයන්නට එක්වෙමු.

ගෝඨාභය රාජපක්ෂ මහතා කොටිකාවත්ත සණස උත්සව ශාලාවේ දී පැවති එළිය වැඩසටහනට (මාර්තු 23) සහභාගි වෙමින් මෙසේ අදහස් දැක්වූවා. විශේෂයෙන්ම කි...


Read More