විදේශ පුවත්

අප්‍රිකාවේ සිටින ඇමෙරිකානු හමුදා එල්ල කරන ගුවන් ප්‍රහාරවලින් අයි.එස්. සංවිධානයේ යැයි සැක කෙරෙන සටන්කාමීන් 17 දෙනකු මියගිය බව ආරක්ෂක අංශ පැවැසීය.

සෝමාලියාවේ උතුරු දිග කඳුකර ප්‍රදේශයේ සැඟවී සිටින සටන්කාමීන් ඉලක්ක කරගනිමින් ඇමෙරිකානු හමුදා පසුගිය සතිය මුළුල්ලේම ගුවන් ප්‍රහාර එල්ල කළේය.

“ගෝලීස් කඳුකරයේ සෝමාලියානු අයි.එස්. සංවිධානයේ කඳවුරකට ගුවන් ප්‍රහාර එල්ල කළා” යැයි ඇමෙරිකා එක්සත් ජනපද අප්‍රිකානු බලඇණිය (ඇෆ්‍රිකොම්) සඳහන් කළේය.

අප්‍රේල් 14 වැනිදා සිට මේ දක්වා කාලයේදී ඇමෙරිකානු හමුදා සෝමාලියාවේ අයි.එස්. ඉලක්ක වෙත සිවුවරක් ගුවන් ප්‍රහාර එල්ල කර ඇත.

දැනට ලැබී ඇති තොරතුරුවලට අනුව මැයි 9 වැනිදා එල්ල කළ ගුවන් ප්‍රහාරවලින් ත්‍රස්තවාදීන් සිවුදෙනකු මියගොස් ඇති බව තහවුරු කළ හැකි යැයි එම බලඇණිය සඳහන් කළේය.

මැයි 8 වැනිදා එල්ල කළ ප්‍රහාරවලින් ත්‍රස්තවාදීන් 13 දෙනකු මියගිය බව ද එම බලඇණිය පැවැසීය.

අල් කයිඩාව හා සබඳකම් පවත්වන ෂෙබාබ් ත්‍රස්තවාදී සංවිධානය හා සැසඳීමේදී සෝමාලියාවේ සිටින අයි.එස්. සටන්කාමීන්ගේ සංඛ්‍යාව ඉතා සීමිතය.

දැනට සෝමාලියාවේ සිටින විශාලතම අන්තවාදී ඉස්ලාමීය සංවිධානය වනුයේ ෂෙබාබ් සංවිධානය වන අතර 2012 වසරේදී අල් කයිඩා සංවිධානය සමඟ නිල වශයෙන් සබඳතා ඇරඹීය. කෙසේ නමුත් පසුව එහි සාමාජිකයන් 200කට ආසන්න පිරිසක් අයි.එස්. සංවිධානය සමඟ එක්විය.

 

නයිරෝබිහිදීය (ඒ.එෆ්.පී)



Leave a Reply

Your email address will not be published. Required fields are marked *

ප‍්‍රධාන පුවත්

“අපේක්ෂාවේ අපේක්ෂකයා” ප්‍රකාශයට පත් කිරීම අද (18) ගෝල්ෆේස් පිටියේදී

ප්‍රගතිශීලී ප්‍රජාතන්ත්‍රවාදී පක්ෂ, වමේ පක්ෂ, සිවිල් සංවිධාන සහ පුද්ගලයින් රැසකගේ එකතුවෙන් ගොඩනැගී ඇති විකල්ප දේශපාලනයේ ජනතා කඳවුර වන ජාත...


Read More

රිෂාඩ්, හකීම්, සාලි, හිස්බුල්ලා සමඟ සන්ධානගතවීමට සිහින දකින්නන්ගේ සිහින බිඳීම සිංහලයාගේ පරම යුතුකමක් – ජාතික සංවිධාන කියයි.

ජාතික පුවත්පත් වලට ලිපියක් සපයමින් වෛද්‍ය වසන්ත බණ්ඩාර මහතා සඳහන් කරන්නේ රිෂාඩ්, හකීම්, සාලි, හිස්බුල්ලා වැනි වහබ්බාදීන් සමඟ සංධානගතවී ඡන...


Read More

ශ්‍රීලනිප බලය චන්ද්‍රිකා අතට – මූලස්ථානයේ කාමරයකුත් වෙන්කර ගනී

ශ්‍රී ලංකා නිදහස් පක්ෂය ශක්තිමත් කොට යළි ගොඩනැඟීමේ වගකීම තමන් භාර ගන්නා බව හිටපු ජනාධිපතිනි චන්ද්‍රිකා බණ්ඩාරනායකක කුමාරතුංග මහත්මිය පක්ෂ...


Read More