ව්‍යාපාරික පුවත්

ජනතාවට දරාගත හැකි මිලට වඩා පිරිමැසුම්දායක සහ පහසු ප්‍රවාහන මාධ්‍ය ලබා දීමට හැම විටම කැපවූ මෙරට විශාලතම මෝටර් සමාගම ලෙස ඩේවිඩ් පීරිස් මෝටර් කම්පැනි (ප්‍රයිවට්) ලිමිටඩ් සෑම කෙනෙකුටම රෝද හතරේ වාහනයක් හිමි කර ගැනීමේ සිහිනය සැබෑ කර දෙමින් මෙරට වෙළෙඳ පොළට වැඩි දියුණු කළ අංග රැසක් සමඟින් බජාජ් කියුට් රථය හඳුන්වා දෙනු ලැබූවා.

රට පුරා පිහිටි ඩේවිඩ් පීරිස් මෝටර් කම්පැනි (ප්‍රයිවට්) ලිමිටඩ් ප්‍රාදේශීය කාර්යාල සහ ප්‍රදර්ශනාගාරවලින් රු.1,067,450 ක හඳුන්වාදීමේ මිලකට මෙරට පාරිභෝගිකයින්ට දැන් බජාජ් කියුට් රථය මිලට ගැණීමේ හැකියාව තිබෙනවා.

පවුලට ගැළපෙන කදිම වාහනයක් වන බජාජ් කියුට් ලෝකයටම සුවිශේෂී වූ DTSi තාක්ෂණයෙන් යුතු එන්ජිමකින් සමන්විත වන කොඩ්‍රිසයිකල් කාණ්ඩයට අයත් වාහනයකි.මෙම වාහනෙයේ එන්ජින් ධාරිතාව 216.6 CM3 වන අතර එමඟින් 5500 ක ආර් පී එම් අගයකදී 9.7 KW බලයක් ලබා දෙන අතර එහි තාර බර කිලෝ ග්‍රෑම් 500 ට අඩු වෙනවා

වඩාත් ඉඩකඩ ඇතිව නිෂ්පාදනය කර ඇති කියුට් රථය රියදුරාට සහ වාහනයේ ගමන් කරන අනෙකුත් අයට සුවපහසු සහ ආරක්ෂාකාරී ගමනක් තහවුරු කරමින් ආවරණය වූ බඳකින් යුතු වන අතර ගමන් මලු රැගෙන යාම සඳහාද සැලකිය යුතු පහසුකම් බජාජ් කියුට් රථයේ ඇති අතර සීමාකරන ලද උපරිම වේගය සහ මොනොකොක් බඳ හේතුවෙන් එහි ගමන් කරන සියල්ලන්ට වඩාත් ආරක්ෂාවක් සලසා දෙනු ලබනවා.කෙසේ වෙතත් මෙහි වඩාත් වැදගත් අංගයන් වන්නේ සියයට 40 ක අවම කාබන් විමෝචනය ,BSIV විමෝචන තත්වයන්ට අනුකූල වීම සහ කුඩා මෝටර් රථ සමඟ සසඳන විට උපරිම ඉන්ධන පිරිමැස්මකින් යුක්ත වීමයි.

මේ පිළිබඳව අදහස් දක්වමින් ඩේවිඩ් පීරිස් මෝටර් කම්පැනි (ප්‍රයිවට්)ලිමිටඩ් හි ප්‍රධාන මෙහෙයුම් නිලධාරී නාලක මඩුගල්ලේ මහතා කියා සිටියේ ඉන්දියාවේ බජාජ් නිෂ්පාදන පෙළේ තවත් හොඳම නිෂ්පාදනයක් මෙරට වෙළඳ පොළට හඳුන්වාදීමට ඔවුන් සමත් වූ අතර පුද්ගලික සහ පවුලේ ප්‍රවාහන කටයුතු සඳහා බජාජ් කියුට් ඉතාම සුදුසු වාහනයක් බවයි.එසේම එහි අවම කාබන් විමෝචනය,උපරිම ඉන්ධන පිරිමැස්ම සහ කදිම නිමවුම මෙන්ම මීටර් 3.5 ක හැරවීමේ කෝණය හේතුකොටගෙන රථ වාහන තදබදයෙන් යුතු නාගරික ප්‍රදේශවලට මෙන්ම ග්‍රාමීය ප්‍රදේශවලටද එකසේ ඔබින වාහනයක්ද වනවා.මෙම වාහනය ලංකාවේ සියලු මාර්ග තත්වයන් යටතේ අත්හදා බලා ඇති අතර රථ වාහන තදබදයෙන් යුතු නාගරික මාර්ගවලදී මෙන්ම ග්‍රාමීය රළු මාර්ග වලද එකසේ ඉහළ ක්‍රියාකාරීත්වයක් පෙන්නුම් කිරීම විශේෂත්වයකි.

තවද බජාජ් කියුට් රථයට මෙරට ජනතාවගේ විශ්වාසය සැමදා දිනාගත් ඩේවිඩ් පීරිස් මෝටර් කම්පැණි (ප්‍රයිවට්)ලිමිටඩ් හි අලෙවියෙන් පසු සේවය සහ දිවයින පුරා අමතර කොටස් ලබා ගැනීමේ හැකියාවද ඇති බව මඩුගල්ලේ මහතා පැවසුවා.

තව දුරටත් අදහස් දක්වමින් ඔහු කියා සිටියේ බජාජ් කියුට් කොඩ්‍රිසයිකල් රථය යුරෝපයේ කොඩ්‍රිසයිකල් සම්බන්ධ සියලු අවශ්‍යතා සපුරා ඇති අතර , යුරෝපීය WVTA සහතිකය නෙදර්ලන්තයේ ප්‍රවාහන අධිකාරිය මඟින් ලබා ඇති බවයි.

යුරෝපීය සංගමයේ රටවල් වන තුර්කිය,පෝලන්තය සහ පෘතුගාලය ,රුසියාව , උතුරු ඇමරිකා මාහද්වීපයේ මෙක්සිකෝව සහ කොළොම්බියාව ,දකුණු අප්‍රිකාව ඇතුලු අප්‍රිකානු මහාද්වීපික රටවල් ,බංගලාදේශය සහ ඉන්දුනීසියාව ආදී රටවල් 32 ක මේ වන විට බජාජ් කියුට් රථය අලෙවි කරනු ලබනවා.



One thought on “අඩු මිලකට රෝද හතරේ සිහිනය සැබෑ කරමින් පරිසර හිතකාමී රථය දැන් වෙළඳපොලේ”

Leave a Reply

Your email address will not be published. Required fields are marked *

ප‍්‍රධාන පුවත්

ගිවිසුම් 3කින් සහ පනත් 6කින් දියත් වන ඇමරිකානු මෙහෙයුම ගැන විමල්ගෙන් කෙස් කෙලින්වෙන හෙළිදරව්ව්ක් (Video)

‘STOP USA’ සංවිධානය බිහි කරනු ලැබුවේ ඇමෙරිකා එක්සත් ජනපද රාජ්‍යය සමඟ සිදු කෙරෙන ආර්ථික හෝ වෙළඳ කටයුතු නතර කර දැමීමට නොව එහි 7 වැනි ඉන්දු ...


Read More

ජාතික ආරක්ෂාව පවතින්නේ හමුදාව හෝ ඔත්තුසේවා මත නොව පාලකයින්ගේ දැක්ම සහ ආකල්ප මතයි

සමාජයේ අති බහුතරයක් විශ්වාස කරන ආකාරයට රටේ ජාතික ආරක්ෂාව රදා පවතින්නේ හමුදාවේ ප්‍රමාණය හෝ ඔත්තුසේවා වල ක්‍රියාකාරීත්වය මත නොවන බව හිටපු හ...


Read More

යුද අපරාධ චෝදනා ඇති ද්විත්ව පුරවැසියන්ට නීති පියවර – ඇමරිකානු අධිකරණ දෙපාර්තමේන්තුව කියයි

යුද අපරාධ චෝදනා එල්ලවී ඇති ඇමරිකානු ශ‍්‍රී ලංකා ද්විත්ව පුවරුසියන්ට එරෙහිව නීතිමය පියවර ගන්නා බව ඇමරිකානු අධිකරණ දෙපාර්තමේන්තුවේ නියෝජ්‍ය...


Read More